ޚަބަރު
ދިވެހި ފުލުހުންގެ ޚިދުމަތުން ލޭ ހަދިޔާކުރުމުގެ ޕްރޮގްރާމެއް ފަށައިފި

ދިވެހި ފުލުހުންގެ ޚިދުމަތުން ފެށި ލޭ ހަދިޔާކުރުމުގެ ޕްރޮގްރާމުގެ ތެރެއިން/ފޮޓޯ: ދިވެހި ފުލުހުންގެ ޚިދުމަތް
ދިވެހި ފުލުހުންގެ ޚިދުމަތުން ލޭ ހަދިޔާ ކުރުމުގެ ޚާއްޞަ ޕްރޮގްރާމެއް ފަށައިފިއެވެ.
ދިވެހި ފުލުހުންގެ ޚިދުމަތުން ވިދާޅުވީ، މި ޕްރޮގްރާމަކީ ފުލުހުންގެ މުއައްސަސާގައި މަސައްކަތްކުރާ ހުރިހާ މުވައްޒަފުންނަށް ހުޅުވާލައިގެން ލޭ ހަދިޔާ ކުރުމަށް ފަށާފައިވާ ޕްރޮގްރާމެއް ކަމަށެވެ.
ދިވެހި ފުލުހުންގެ ޚިދުމަތުން ވިދާޅުވީ، މި ޕްރޮގްރާމަކީ މި ހިނގާ މާރިޗު މަހުގެ 24 ވަނަ ދުވަހުން ފެށިގެން 27 ވަނަ ދުވަހުގެ ނިޔަލަށް 4 ދުވަހުގެ މުއްދަތަކަށް ކުރިއަށްދާ ޕްރޮގްރާމެއް ކަމަށެވެ. މީގެ އިތުރުން ފުލުހުންގެ ޚިދުމަތުން ވިދާޅުވީ، މި ޕްރޮގްރާމް ކުރިއަށް ގެންދަނީ ފުލުހުންގެ ޚިދުމަތުގެ ވޯކްފޯސް ހެލްތު އެންޑް ވެލްބީންގ ގެ އިސްނެންގެވުމުގެ މަތިން ކަމަށެވެ. އަދި މިކަމަކީ މި މަހުގެ 29 ވަނަ ދުވަހު ފާހަގަކުރާ، ފުލުހުންގެ 92 ވަނަ އަހަރީ ދުވަހާ ދިމާކޮށް ފުލުހުންގެ ޚިދުމަތުގައި މަސައްކަތްކުރާ ހުރިހާ މުވައްޒަފުންނަށް ހުޅުވާލައިގެން ކުރިއަށް ގެންދާ ޕްރޮގްރާމެއް ކަމަށް އެ ޚިދުމަތުން ވަނީ ފާހަގަކުރައްވާފައެވެ.
މީގެ އިތުރުން، ފުލުހުންގެ ޚިދުމަތުން ވިދާޅުވީ، މިކަމުގެ ސަބަބުން ތެލަސީމިއާ ކުދިންނަށް ލޭ ހޯދުމުގައި ލުއިފަސޭހަ ގޮތްތަކެއް ޤާއިމުކޮށްދެވިގެން ދާނެ ކަމަށެވެ. އަދި މި ލޭ ހަދިޔާ ކުރުމުގެ ޕްރޮގްރާމް ކުރިއަށް ދަނީ ނޭޝަނަލް ތެލެސީމިއާ ސެންޓަރުގައި ކަމަށް ދިވެހި ފުލުހުންގެ ޚިދުމަތުން މަޢުލޫމާތުދެއެވެ.