މިއަދު ފޮނި އެއްޗަކަށް މިކްސް ފުރުޓް ސާގު ކިހިނެއްވާނެ؟

ރޯދަމަހުގެ ކޮންމެ ދުވަހަކުވެސް ރޯދަވިއްލާވަގުތު ސުފުރާމައްޗަށް ހެދިކާ އާއި އެހެނިހެން ތަކެެއްޗާއި އެކު ފޮނިކާއެއްޗެއް އެރުވުމަކީ ސުފުރާމަތި ފުރިހަމަ ވެގެންދާކަމެކެވެ.
މިއަދުގެ ރެސިޕީގައި މިގެނެސްދެނީ އެގޮތުން ތައްޔާރުކޮށްލެވޭނެ ފޮނިއެއްޗެއް ތައްޔާރުކޮށްލާނެ ގޮތެވެ. މިއަދު ތައްޔާރުކޮށްލާނީ މިކްސް ފުރުޓް ސާގެވެ. 

މިކްސް ފުރުޓް ސާގު ތައްޔާރުކުމަށް ބޭނުންވާނީ:-
1 ޖޯޑު ސާގު
1 ދަޅު ފުރުޓް ކޮކްޓޭލް
1 ދަޅު ގެރިކިރު
ވެނީލާ އައިސްކްރީމް

ތައްޔާރުކުރާނެ ގޮތް:
އެންމެ ފުރަތަމަ ސާގު ކޮޅު ފެނުގައި ކައްކާލާށެވެ. އެއަށްފަހު ފުރުޓް ކޮކްޓެއިލް ދަޅު ބޮޑު ތައްޓަކަށް އަޅާލާށެވެ. އެއަށްފަހު އެތައްޓަށް ފެނުގައި ކެއްކި ސާގުކޮޅު އަޅާލާށެވެ. އެއަށްފަހު ގެރިކިރު އަޅާ އެއްކޮށްލާށެވެ. ހުރިހާއެއްޗެއް އެއްކޮށްލުމަށްފަހު ތަށިތައްޓަށް އަޅައި ސާވް ކުރާއިރު މައްޗަށް އައިސްކްރީމް ސްކޫޕެއް އަޅާލާށެވެ.

މިއީ ތައްޔާރުކޮށްލަން ވަރަށް ފަސޭހަ ފޮނިއެއްޗެއްކަމުން ވަގުތު ނެތް ދުވަސްދުވަހުވެސް ތައްޔާރުކޮށްލަން ރަގަޅުވާނެއެވެ.