Ads by Exprox

ޚަބަރު

ޙާފިޡުންގެ ދަސްވެނިވުމަށް ޚާއްސަކޮށް ބާއްވާ ޖަލްސާ މިރޭ ބާއްވަނީ

ޙާފިޡުންގެ ދަސްވެނިވުމަށް ޚާއްސަކޮށް ބާއްވާ ޖަލްސާ މިރޭ ބާއްވަނީ

2024 ވަނަ އަހަރުގެ ޙާފިޘުންނަށް ސަނަދުދިނުން. ފޮޓޯ: ރައީސް އޮފީސް

ޙަސްނާ އަޙްމަދް

ޙަސްނާ އަޙްމަދް

26 މާރިޗު 2025، 12:03

26 މާރިޗު 2025، 12:03

ކީރިތި ޤުރުއާން ޙިފްޡުކުރާ ޙާފިޡުންގެ ދަސްވެނިވުމަށް ޚާއްސަކޮށް ބާއްވާ ޖަލްސާ މިރޭ ބާއްވާނެއެވެ. 

ހާފިޒުން ދަސްވެނިވުމުގެ ގޮތުން ބާއްވާ މި ޙާއްސަ ޖަލްސާ ޝަރަފުވެރިކޮށްދެއްވާނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއެވެ. ޙާފިޡުން ދަސްވެނިވުމުގެ ޝަރަފްވެރި ޖަލްސާ ބާއްވާ މިއީ މި ފުރަތަމަ އަހަރެވެ. މިޖަލްސާ ޝަރަފުވެރިކޮށްދެއްވާނީ ރާއްޖޭގެ ރައީސުލްޖުމްހޫރިއްޔާ ޑރ މުޙައްމަދު މުޢިއްޒެވެ.

 އިސްލާމީ ކަންތައްތަކާބެހޭ ވުޒާރާއިން ބުނެފައިވަނީ މި ޖަލްސާ ކުރިއަށްދާނީ މިރޭ 22:00ގައި އިސްލާމީ މަރުކަޒުގެ ޖަލްސާކުރާ މާލަމުގައި ކަމަށެވެ. މި ޖަލްސާއަކީ ކީރިތި ޤުރުއާން ހިތުދަސްކުރާ ފަރާތްތަކުގެ އަގު ވަޒަންކޮށް، ޝަރަފްވެރިކަމާއެކު ސަނަދު އެރުވުމަށް ސަރުކާރުން ބާއްވާ ޖަލްސާއެކެވެ. އިސްލާމީ ކަންތައްތަކާބެހޭ ވުޒާރާއިން ބުނެފައިވަނީ މިރޭ ބާއްވާ ޚާއްސަ ޖަލްސާގައި 24 ޙާފިޡަކަށް ޙާފިޒުކަމުގެ ސަނަދު އަރުވާނެކަމަށެވެ.މީގެ ކުރިން ހާފިޡުން ދަސްވެނިވުމަށް ޚާއްސަކޮށްގެން ޖަލްސާއެއް ބާއްވާފައިނުވެއެވެ. ދަސްވެނިވާ ޙާފިޡުންނަށް އިނާމާއި މެޑަލް ދެމުން އައީ އެކި އަހަރު އެކި މުނާސަބާތުތަކާ ގުޅުވައިގެން ބާއްވާ ޖަލްސާތަކުގައެވެ. 

ޖަލްސާގައި ޙާފިޡުން ދަސްވެނިވާނީ އެޤައުންގައެވެ. މިއީ ހާފިޒުންނަށް ސަރުކާރުން ދެއްވާ އަހަންމިއްޔަތު ދޭހަކޮށްދޭ ކަންކަން ކަމަށް އިސްލާމީ ކަންތައްތަކާ ބެހޭ ވުޒާރާއިން ވަނީ ވިދާޅުވެފައެވެ.

ކޮންމެ ދަރަޖައެއްގައި ޙާފިޒަކު ފާސްވި ނަމަވެސް، ރައީސުލްޖުމްހޫރިއްޔާގެ ޚާއްސަ މެޑަލް ދެއްވާގޮތަށް ސަރުކާރުން މިސަރުކާރުން ނިންމާފައިވެއެވެ. މީގެ އިތުރުން ޙާފިޡުން ދަސްވެނިވުމަށް މިފަހަރު ޚާއްސަ ގައުންއެއް ތައާރަފްކޮށް މިރޭގެ ޖަލްސާގައި ޙާފިޡުން ދަސްވެނިވާނީ އެޤައުންގައެވެ. 

މީގެއިތުރުން ޙާފިޡުންނަށްދޭ ސަނަދު މޯލްޑިވްސް ކޮލިފިކޭޝަންސް އޮތޯރިޓީ، އެމްކިޔުއޭއިން ޤަބޫލުކުރާ މިންގަނޑަށް މިހާރު ވަނީ ބަދަލުކޮށްފައެވެ. އަދި ޙާފިޡުން ޢުމްރާއަށް ފޮނުވުމުގެ ޚާއްސަ މަޝްރޫޢެއްވެސް ސަރުކާރުން ވަނީ ފަށްޓަވާފައެވެ.

ހަމަމިއާއިއެކު، ރައީސް ޑރ. މުޢިއްޒު ވަނީ ދައުލަތުން މިހާރު ޙާފިޡުންނަށް ދޭ އިނާޔަތް، ދެގުނައަށް ބޮޑު ކުރައްވާނެ ކަމަށްވެސް ވިދާޅުވެފައެވެ.

މި ލިޔުން ކިޔާލުމުން

Ads by MSS