ރަހަފަތް
މޮރޮކޮން މަޝްރޫމްސް ވިތު ކުސްކުސް: މިއީ ހެލްތީ އޮޕްޝަނެއް
މޮރޮކޮން މަޝްރޫމްސް ވިތް ކުސްކުސް
ރޯދަވީއްލާ ވަގުތު ޞިއްޙަތަށް ފައިދާހުރި ކާނާ ކެއުމަށް ޑޮކްޓަރުން އަބަދުވެސް އިރުޝާދުދެއެވެ. މުޅި ދުވަހި ނުކައިހުރުމަށްފަހު ޞިއްޙަތަށް ފައިދާވާ ކެއުމެއް ކާލުމަކީ އެންމެ ރަނގަޅު ގޮތެވެ.
މިއަދުގެ ރެސިޕީގައި މިހިމަނާލަނީ ރޯދަ ވިއްލާ ވަގުތު ކެއުމަށް ކަމުދާނެ އެފަދަ ކެއުމެއްގެ ރެސިޕީއެކެވެ. މިއަދުގެ ރެސިޕީއަކީ މޮރޮކޮން މަޝްރޫމްސް ވިތް ކުސްކުސްއެވެ.
މަޝްރޫމްސް ތައްޔާރުކުރަން ބޭނުންވާ ތަކެތި:-
1 ފިޔާ (ކުދިކޮށް ކޮށާފައި)
2/1 ޖޯޑު ޗިކް ޕީސް
2/1 ޖޯޑު މަޝްރޫމްސް
ގިތެޔޮމިރުސް- ކުޅިމިން ބަހައްޓަން ބޭނުންވާ މިންވަރަށް
1 ސައި ސަމްސާ ކުދިކޮށްކޮށާފައިހުރި ކޮރިއަންޑަރ ފަތް
2/1 ސައިސަމްސާ މުގުރި ފޮނިތޮށި
2/1 ސައިސަމްސާ މުގުރި ދިރި
2/1 ސައިސަމްސާ މުގުރި މިރުސް
2 ސައިސަމްސާ ޒައިތޫނި ތެޔޮ
ރަހަލާވަރަށް ލޮނު
1 ސައިސަމްސާ ޓޮމާޓޯ ކެޗަޕް
1 ސައިސަމްސާ ޗިލީ ސޯސް
2/1 ސައިސަމްސާ އޮއިސްޓަރ ސޯސް
ކުސްކުސް ތައްޔާރުކުރުމަށް ބޭނުންވާ ތަކެތި:-
2/1 ކޯޑު ކުސްކުސް
ރަހަލާވަރަށް ލޮނު
1 ސައިސަމްސާ ކޮރިއަންޑަރ ފަތް (ކޮށާފައިހުރި)
ހޫނުފެން
ތައްޔާރު ކުރާނެ ގޮތް:-
އެންމެ ފުރަތަމަ ތަވާ އުނދުންމައްޗަށް އުދާލާ، ތަވާ ހޫނުކޮށްލާށެވެ. ތަވާ ހޫނުވެލުމުން ޒައިތޫނި ތެޔޮފޮދު އަޅާ، ތެޔޮފޮދު ހޫނުކޮށްލާށެވެ. ތެޔޮފޮދު ހޫނުވެލުމުން ފިޔާ ކޮޅު އަޅާލާށެވެ. ފިޔާކޮޅި ރަނގަޅަށް ރަތްވެލަންދެން ތެޔޮފޮދުގެ ތެރޭގައި ހަނާކޮށްލާށެވެ.
ފިޔާކޮޅު ރަތްވަމުންދާއިރު އޭގެ ތެރެއަށް ގިތެޔޮމިރުސްކޮޅުވެސް އަޅާލާށެވެ. ފިޔާކޮޅު ރަނގަޅަށް ރަތްވެލުމުން މަޝްރޫމްކޮޅު އަޅާލާށެވެ. އޭގެތެރެއަށް މުގުރާފައިހުރި ފޮނިތޮށި، މުގުރި މިރުސް އަދި މުގުރި ދިރި އަޅާ އެއްކޮށްލާށެވެ.
އެއަށްފަހު ޗިކްޕީސް އެއްކޮށްލާށެވެ. އެއަށްފަހު ކޮށާފައިހުރި ކޮރިއަންޑަރ ފަތްކޮޅުވެސް އަޅާލާށެވެ. އެއަށްފަހު ލޮނު އަޅާ ރަހަހެޔޮވަރުކޮށްލާށެވެ. ދެން އޮއިސްޓަރސޯސް ކޮޅާއި ޓޮމާޓޯ ކެޗަޕް ކޮޅާއި ޗިލީ ސޯސް ކޮޅުވެސް އަޅާލާށެވެ. އެއަށްފަހު ހުރިހާ އެއްޗެއް އެއްކޮށްލާށެވެ.
ކުސްކުސް ކޮޅު ތައްޔާރުކޮށްލުމަށް ބޮޑު ތައްޓަކަށް ކުސްކުސްކޮޅު އަޅާލާށެވެ. އެއަށްފަހު ތައްޓަށް އަޅައިފައިހުރި ކުސްކުސްކޮޅު ފޮރުވޭވަރަށް ހޫނުފެން ފޮދެއް އަޅާލާށެވެ. އޭގެ މައްޗަށް ލޮނުކޮޅެއް އަޅައި ހަތް މިނެޓާއި ފަސްމިނެޓަށް ކުސްކުސްކޮޅު މަޑުވެލަންދެން ބަހައްޓާލާށެވެ. ކުސްކުސް މަދުވެލުމުން އޭގެ މައްޗަށް އެޅި ލޮނުކޮޅުގެ ރަހަ ހިފާނެހެން އެއްކޮށްލައި ކޮރިއަންޑަރ ފަތް ކޮޅު އަޅާ އެއްކޮށްލާށެވެ. އެއަށްފަހު ކުރިން ތައްޔާރުކުރި މަޝްރޫމް ކޮޅާއި އެކު ކުސްކުސް އެއްތައްޓެއްގައި ސާރވް ކޮށްލާށެވެ.
ޞިއްޙަތަށް ބަލައިގެން އުޅޭ ހެލްތީ ކެއުންތަކަށް ލޯބިކުރާ ފަރާތްތަކަށް މިރެސިޕީއަކީ ކަމުދާނެ ރެސިޕީއަަކަށް ވާނެއެވެ.