ދެފަތުރުވެރިއެއްގެ ދަބަސް ވަގަށްނެގި މީހަކު ހައްޔަރުކޮށްފި!

ދެފަތުރުވެރިއެއްގެ ދަބަސް ވަގަށްނެގި މީހަކު ފުލުހުން ހައްޔަރުކޮށްފިއެވެ. 

މިމައްސަލާގައި ހައްޔަރުކޮށްފައިވަނީ ގދ. ތިނަދޫ / ރަންފަރު، ޒަބީޙް މުޙައްމަދު (41 އ) އަހަރެވެ. 

ފުލުހުން ބުނީ، މެރީ ބްރައުންއާ ދިމާލުން ބޮޑުތަކުރުފާނު މަގު ބުރު މަތީގައި ޗައިނާ ދެ ފަތުރުވެރިއެއްގެ ދަބަސް ހަނދާން ނެތި ބޭއްވިފައިވަނިކޮށް ގެއްލިފައިވާ ކަމަށް ސެޕްޓެންބަރު 28 ވަނަ ދުވަހު 19:12 އެހައިކަން ހާއިރު ރިޕޯޓް ކޮށްފައިވާ ކަމަށެވެ.

މި މައްސަލައާ ގުޅިގެން ދަބަސް ހޯދުމަށް ގަލޮޅު ޕޮލިސްގެ ފުލުހުން ކުރި މަސައްކަތުން އެރޭގެ 22:15 އެހައިކަންހާއިރު ދަބަސް ހޯދައި ވެރިފަރާތާ ހަވާލުކޮށްފައިވާ ކަމަށް ފުލުހުން ބުނެފައިވެއެވެ.

އަދި ދަބަހުގައި ހުރި ބައެއް ތަކެތި ހޯދާފައިވަނީ ވިއްކާލާފައި ވަނިކޮށް ކަމަށެް ފުލުހުން ބުނެއެވެ. އަދި ދަބަހުގައި ހުރި ތަކެތީގެ ތެރޭގައި ލެޕްޓޮޕް، ހާޑް ޑްރައިވް، ޕަވަރ ބޭންކް، ޕާސްޕޯޓް އަދި އަންނައުނާއި އެހެނިހެން ތަކެތި ހިމެނޭ ކަމަށްވެސް ފުލުހުން ބުނެފައިވެއެވެ.

މި މައްސަލަ ފުލުހުން ގެންދަނީ ތަޙުޤީޤު ކުރަމުންނެވެ.