Ads by Exprox

ޚަބަރު

ނެދަލޭންޑްސްއަށް ކަނޑައެޅި ނޮން-ރެސިޑެންޓު ސަފީރުގެ ފަތްކޮޅު އެ ޤައުމުގެ ރައީސަށް އަރުވައިފި

ނެދަލޭންޑްސްއަށް ކަނޑައެޅި ނޮން-ރެސިޑެންޓު ސަފީރުގެ ފަތްކޮޅު އެ ޤައުމުގެ ރައީސަށް އަރުވައިފި

ނެދަލޭންޑްސްއަށް ކަނޑައެޅި ނޮން-ރެސިޑެންޓު ސަފީރުގެ ފަތްކޮޅު އެ ޤައުމުގެ ރައީސަށް އެރުވުން، ފޮޓޯ: ފޮރިން މިނިސްޓްރީ

farudhun logo

ފަރުދުން

27 މާރިޗު 2025، 10:31

27 މާރިޗު 2025، 10:31

ދިވެހިރާއްޖެއިން ނެދަލޭންޑްސްއަށް ކަނޑައަޅާފައި ހުންނަވާ ނޮން-ރެސިޑެންޓް ސަފީރު ޤީލާ ޢަލީ، އެ ކަމަނާގެ ސަފީރުކަމުގެ ފަތްކޮޅު ނެދަލަންޑްސްގެ ރަސްގެފާނު ކިންގް ވިލްއެމް-އެލެގްޒެންޑަރއަށް އަރުވައިފިއެވެ.

ދަ ހޭގުގައި ހުންނަ 'ނޫރުދެއިންދް' ޕެލަސްގައި ބޭއްވުނު މި ރަސްމިއްޔާތަށްފަހު އޮތް ޕްރައިވެޓް އޯޑިއަންސްގައި ސަފީރު ޤީލާ އަލީ ވަނީ ރައީސުލްޖުމްހޫރިއްޔާ ޑރ މުޙައްމަދު މުޢިއްޒުގެ ފަރާތްޕުޅުން ނެދަލަންޑްސްގެ ރަސްގެފާނަށް ތަހުނިޔާ އާއި ހެޔޮއެދުން އަރިސްކުރައްވާފައެވެ. މީގެ އިތުރުން، ކުރިޔަށް އޮތް ދުވަސްތަކުގައި ދިވެހިރާއްޖެ އާއި ނެދަލޭންޑްސްއާ ދެމެދު އޮތް ގުޅުން އިތުރަށް ވަރުގަދަ ކުރެއްވުމުގެ މަސައްކަތް ކުރައްވާނެކަމަށް ވަނީ ވިދާޅުވެފައެވެ.

މި ރަސްމިއްޔާތުގައި  ސަފީރު ޤީލާ އަލީއާއެކު އެ ކަމަނާގެ ފިރިކަލުން އަބްދުﷲ މުޝްރިފް ބައިވެރިވެވަޑައިގެންނެވިއެވެ. މީގެ އިތުރުން ބެލްޖިއަމްގައި ހުންނަ ދިވެހިރާއްޖޭގެ އެމްބަސީގެ ފަސްޓް ސެކްރެޓަރީ، މުހައްމަދު ޝައްފާއު އިބްރާހީމް ވެސް ވަނީ ބައިވެރިވެވަޑައިގެންފައެވެ.

ދިވެހިރާއްޖެއާ ނެދަލޭންޑްސްއާ ސިޔާސީ ގުޅުން ޤާއިމުކުރެވުނުތާ މިހާރު ވަނީ 45 އަހަރު ވެފައެވެ.

މި ލިޔުން ކިޔާލުމުން

Ads by MSS