ދިރާސީ އަހަރުގެ ކިޔެވުން ފަށާނީ ހުރިހާ ވަޞީލަތްތަކެއް ހަމަކޮށްގެން: ވަޒީރު ޝަފީޢު

މިއަހަރުގެ ދިރާސީ އަހަރުގެ ކިޔެވުން ފަށާނީ ހުރިހާ ވަޞީލަތްތަކެއް ހަމަކޮށްގެން ކަމަށް ތަޢުލީމީ ވަޒީރު ޑރ އިސްމާޢިލް ޝަފީޢު ވިދާޅުވެއްޖެއެވެ.

ވަޒީރު މިހެން ވިދާޅުވީ ދައުލަތުގެ ޓީވީއަށް މަޢުލޫމާތު ދެއްވަމުންނެވެ. 

ވަޒީރު ވިދާޅުވީ ދަރިވަރުން ސްކޫލްއަށް ދާންވާއިރަށް ސްކޫލްތައް ތައްޔާރުކުރުމުގެ ހުރިހާ މަސައްކަތްތަކެއް ކުރިއަށްގެންދާކަމަށާއި ސްކޫލްތަކުގެ މަރާމާތުގެ މަސައްކަތްތައް ކުރިއަށްގެންދިޔުމަށް ޚާޢްސަ ބަޖެޓްގެ ތެރެއިން 15 މިލިޔަން ރުފިޔާ ހަމަޖައްސަވާ ސްކޫލްތަކަށް ހަވާލުކޮށްފައިވާކަމަށް ވަޒީރު ޝަފީޢު ވިދާޅުވިއެވެ. 

މީގެ އިތުރުން މުދައްރިސުންނާއި ފޮތްތައް ހަމަކުރުމުގެ މަސައްކަތްތައްވެސް ކުރައްވާފައިވާކަމަށާއި ދަރިވަރުންނާއި މުދައްރިސުންނަށް ބޭނުންވާ ހުރިހާ ވަޞީލަތްތަކާއެކު ދިރާސީ އަހަރުގެ ކިޔަވުން ފަށައި ކާމިޔާބު އަހަރަކަށް ވާނެކަމަށް އުންމީދުކުރައްވާކަމަށް ވަޒީރު ވަނީ ވިދާޅުވެފައެވެ.

ވަޒީރު އިތުރަށް ވިދާޅުވީ ދަރިވަރުންގެ ފޮތްތަކަށް އެއްވެސް ދައްޗެއް ނުވާނެ ކަމަށެވެ. މީގެއިތުރުން މުދައްރިސުން ބޭނުންވާ މިންވަރު ދެނެގަތުމަށް ދިރާސާއެއް ހަދައި އެދިރާސާއިން ދެއްކި ވަރަށް މުދައްރިސުން ހޯދައިފައިވާނެ ކަމަށެވެ.

 ދިރާސީ އައު އަހަރުގެ ކިޔެވުން ފެށޭނީ އަންނަ އޭޕްރީލް މަހުގެ 6ވަނަ ދުވަހުއެވެ. ދިރާސީ އަހަރު ނިމޭނީ ޑިސެމްބަރު 28ވަނަ ދުވަހުއެވެ.