ޚަބަރު
ސަރުކާރު ގެ މުއައްސަސާތައް ގުޅިގެން ބާއްވާ ޢީދު ހަވީރަށް ތައްޔާރުކުރުމަށް ސަލްޓަންޕާކު ބަންދުކުރަނީ

ސަލްޓަން ޕާކު
ސަރުކާރުގެ އިދާރާތަކާއި ކުންފުނިތައް ގުޅިގެން ބާއްވާ ޢީދު ހަވީރަށް ތައްޔާރުކުރުމަށް މާދަމާއިން ފެށިގެން ސަލްޓަންޕާކު ބަންދުކުރުމަށް ހަމަޖެހިފައިވާ ކަމަށް ޢިމާރާތްކުރުމާ ގެދޮރުވެރިކަމާ ބިނާރާބެހޭ ވުޒާރާއިން ބުނެފިއެވެ.
އެ ވުޒާރާއިން ބުނެފައިވަނީ، ފިޠުރު ޢީދުގެ މުނާސަބަތުގައި ސަރުކާރުން އިންތިޒާމުކުރާ "ޢީދު ހަވީރު 1446" ގެ ތައްޔާރީތަކަށްޓަކައި، 2025 މާރިޗު 28 ވަނަ ދުވަހުން ފެށިގެން ފިޠުރު ޢީދު ދުވަހާއި ހަމައަށް ސަލްޓަން ޕާކު އާންމުންނަށް ބަންދުވާނެކަމަށެވެ.
ދިފާޢީ ވުޒާރާއިން ސަރުކާރުގެ އެކި ކުންފުނިތަކާއި ކުޅިވަރާއި ބެހޭ ވުޒާރާއާއި، ޤައުމީ ދިފާޢީ ބާރާއި، ދިވެހި ފުލުހުންގެ ޚިދުމަތާއި ގުޅިގެން ކުރިއަށްގެންދާ ޢީދު ހަވީރު ބޭއްވުމަށް ހަމަޖެހިފައިވަނީ ޢީދު ދުވަހުގެ ހަވީރު 4 އިން 6 އަކަށެވެ.
މާލޭގެ ތިން ސަރަހައްދެއްގައި ކުޅިވަރު ހަރަކާތްތައް ކުރިއަށް ގެންދިޔުމަށް ހަމަޖެހިފައިވާކަމަށް އެމްއެންޑީއެފުން ބުނެފައިވެއެވެ. ޢީދު ހަވީރެއްގެ އިތުރުން ޢީދާއި ގުޅިގެން މާލެ އާއި އަތޮޅުތެރޭގެ ގިނަ ރަށްތަކެއް ޢީދު އަލި ޕްރޮގްރާމްގެ ދަށުން ދިއްލާލުމަށްވެސް ހަމަޖެހިފައިވެއެވެ.