Ads by Exprox

ޚަބަރު

ކުރިއަށް އޮތް އަހަރުތަކުގައިވެސް ރަމަޟާން މަހުގެ ދުވަސްތައް ސްކޫލް ބަންދު ކުރުމަށް ވަޒީރަށް ދެންނެވިން: ރައީސް

ކުރިއަށް އޮތް އަހަރުތަކުގައިވެސް ރަމަޟާން މަހުގެ ދުވަސްތައް ސްކޫލް ބަންދު ކުރުމަށް ވަޒީރަށް ދެންނެވިން: ރައީސް

ރައްޔިތުންނާއި އެކު ޕޮޑްކާސްޓުގައި ރައީސް ވާހަކަފުޅުދައްކަވަނީ. ފޮޓޯ: ރައީސް އޮފީސް

ޙަސްނާ އަޙްމަދް

ޙަސްނާ އަޙްމަދް

27 މާރިޗު 2025، 02:18

27 މާރިޗު 2025، 02:18

ކުރިއަށް މިއޮތް އަަހަރުތަކުގައިވެސް ރަމަޟާން މަހާއި ދިމާކޮށް ސްކޫލްތައް ބަންދު ކުރެވޭނެ ގޮތަކަށް ރޭވުމަށް ތަޢުލީމީ ވަޒީރަށް ދަންނަވައިފައިވާނެ ކަމަށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ވިދާޅުވެއްޖެއެވެ. 

މިއަދު ފެށި ރައީސް މުއިއްޒުގެ ރައްޔިތުންނާއި އެކު ޕޮޑްކާސްޓުގައި ރަމަޟާން މަހުގެ ފަހުދިހައިގެ ދުވަސްތައް ބަންދު ކުރުމަށް ނިންމެވި ނިންމެވުމާ ބެހޭ ގޮތުން ވާހަކަފުޅު ދައްކަވަމުން ރައީސް މުޢިއްޒު ވިދާޅުވީ ރަމަޟާން މަހަކީ އަޅުކަމަށް ޚާއްސަ މަހެއް ކަމަށާއި ކުރިންވެސް ބައެއް އަހަރު ތަކުގައި 11 ޖަހާއިރު ނުވަތަ 9 ޖަހާއިރު އޮފީސްތަށް ފެށޭ ގަޑިއެއްގެ ގޮތުގައި ހަމަޖައްސައިފައިވަނީ ރޭ އަޅުކަން ތަަކަށް ވަގުތު ދީ ހެނދުނު ނިދާލުމަށް ވަގުތުދިނުމުގެ ގޮތުން ކަމަށެވެ.

މިޤައުމަކީ 100 ޕަސެންޓް އިސްލާމީ ޤައުމަކަށް ވާއިރު އަޅުގަނޑު ބޭނުންވަނީ އެފަދަ ކަންކަމަށް ބޮޑަށް މަގުފަހިކޮށްދޭން، ފަހުދިހައެއްް ބަންދުކުރީމަ މުޅި ރޭއެއްކޮށް ބޭނުންވާ ކޮންމެ ގަޑިއަކު އަޅުކަންތަކުގައި އުޅުމުގެ ފުރުސަތު އެބަލިބޭ. 

ރައީސް މުއިއްޒު ވިދާޅުވިއެވެ.

މީގެއިތުރުން މިދައުރުގެ ކޮންމެ ރޯދަމަހެއްގައިވެސް އެކަން އޮންނާނީ އެގޮތައްކަމަށްވެސް ރައީސް ވިދާޅުވިއެވެ. 

މީގެއިތުރުން މިއަހަރުގެ ސްކޫލް ބަންދު ރަމަޟާން މަހާއި ދިމާވެ ސްކޫލްތަައް ބަންދު ކުރުމާ ގުޅޭގޮތުން ވާހަކަދައްކަވަމުން ރަޢީސް މުޢިއްޒު ވިދާޅުވީ ސްކޫލްތައް މިފަހަރު މުޅި ރަމަޟާން މަހަށް ބަންދު ކުރީއެގޮތައް ކަނޑައަޅައިގެނެއްނޫން ކަމަށެވެ.

ނަމަވެސް މިހާރު އެމަނިކުފާނު ވާނީ ކުރިއަށް އޮތް އަހަރުތަކުގައިވެސް މުޅި ރަަމަޟާން މަހު ސްކޫލް ބަންދު ކުރެވޭނެ ގޮތަކަށް ރާވައިދެއްވުމަށް ތަޢުލީމީ ވަޒީރަށް ދަންނަވައިފައި ކަމަށެވެ. އަދި މިކަމުގައި އެއްވެސް ވަރަކަށް ކިޔަވައި ދިނުމުގެ ދުވަސްތައް ނުވަތަ ގަޑިތައް ނުގެއްލޭނެ ގޮތަކަށް ބައްލަވައިދެއްވުމަށް ދަންނަވައިފައިވާނެ ކަމަށެވެ.

ރައީސް ވިދާޅުވީ ރަމަޟާން މަހާއި ގުޅިގެން ސްކޫލްތައް ބަންދުވި ބަންދުވުމަކީ ބެލެނިވެރިން ވަރަށް ބޮޑަށް ބަލައިގަތް ކަމެއް ކަމަށެވެ.

މި ލިޔުން ކިޔާލުމުން

Ads by MSS