ކުޑަހުވަދޫ ކައިރިން އަލިފާން ރޯވި ބޯޓު އަޑިއަށް ހިނގައްޖެ!

ދ.ކުޑަހުވަދޫ ކައިރިން ދަތުރު ކުރަމުން ދަނިކޮށް އަލިފާން ރޯވި ބޯއްޓު އަޑިއަށް ހިނގައްޖެއެވެ. 

މިހާދިސާ ހިނގާފައިވަނީ މިއަދު ހެނދުނުގެ 6:30 ހާއިރުއެވެ. ބޯޓުގައި ރޯވި އަލިފާން ގަނޑު ނިއްވާލުމަށް ސިފައިންނާއި ފުލުހުން ވަނީ ހަރަކާތްތެރިވެފައެވެ. 

މިބޯއްޓަކީ ނިޔާމް ރިސޯޓަށް ބޮނަކުއާ ފެންފުޅިތަކެއް ސަޕްލައި ކުރުމަށް މާލެއިން ދަތުރުކުރުމުން ދިޔަ ބޯއްޓެކެވެ. 

އަލިފާން ރޯވުމުގެ ސަބަބުން އަޑިއަށްދިޔަ ބޯއްޓު

މިކަމާއި ގުޅިގެން އެންމެ ފަހުން ލިބިފައިވާ އަދާހަމަތަކުން އެނގޭ ގޮތުގައި ބޯޓުގައި ރޯވި އަލިފާން ގަނޑު ނިއްވާލަމުގެ މަސައްކަތް ކުރަމުންދަނިކޮށް އެބޯއްޓު ވަނީ އަޑިއަށްގޮސްފައެވެ. 

މި ބޯޓުން 5 މީހަކު ވަނީ ދަތުރުކޮށްފައެވެ. އޭގެ ތެރޭގައި ހިމެނެނީ 4 ބިދޭސީއަކާއި ދިވެއްސެއްކެވެ. އެމީހުންގެ ޙާލު ރަނގަޅުކަމަށްވެސް މަޢުލޫމާތު ލިބިފައިވެއެވެ.