ދީން

ހުކުރު ދުވަހު ކަޙަފް ސޫރަތް ކިޔެވުމަކީ ނޫރެއްލައްވާ ކަމެއް

ހުކުރު ދުވަހު ކަޙަފް ސޫރަތް ކިޔެވުމަކީ ނޫރެއްލައްވާ ކަމެއް

މާލޭ ޙުކުރު މިސްކިތް ---

farudhun logo

ފަރުދުން

28 މާރިޗު 2025، 11:40

28 މާރިޗު 2025، 11:40

ހުކުރު ދުވަހަކީ މުސްލިމުންނަށް ހަފްތާގެ ތެރޭގައި އަންނަ އެންމެ މާތް އެއް ދުވަހެވެ. އެއީ ހަފްތާގެ ޢީދު ދުވަހޭ ވެސް ބުނެވިދާނެއެވެ. 

މި މާތް ދުވަހު ކަޙަފް ސޫރަތް ކިޔެވުމަށް ރަސޫލާ صـلّى الله علـيـه وسـلّم ވަނީ އަޅުގަނޑުމެންނަށް އިރުޝާދު ދެއްވާފައެވެ. އެގޮތުން އެކަލޭގެފާނު ވިދާޅުވެފައި ވަނީ، ހުކުރު ދުވަހު ކަޙަފް ސޫރަތް ކިޔެވުމުން، އެއް ހުކުރުން އަނެއް ހުކުރާ ދެމެދު އެމީހެއްގެ ނޫރެއް ލެއްވޭނެ ކަމަށެވެ. 

މި ނޫރުގެ ވާހަކަ ބަޔާންކޮށްދެއްވަމުން ޢިލްމުވެރިން ވިދާޅުވަނީ، އެއީ އެ ހަފްތާގެ ތެރޭގައި އެމީހަކަށް ﷲ ޙަރާމް ކުރެއްވެވި ކަންތައްތަކުން ދުރުވެވި، އަދި އެކަލާންގެ އަމުރުފުޅުތަކަށް ކިޔަމަންތެރިކަން އަދާކުރުމުގެ ގޮތުން ލެއްވޭ ނޫރެއް ކަމެވެ.

އަނެއްބައި ޢިލްމުވެރިން ވިދާޅުވަނީ، އެއީ އެމީހަކަށް ޤިޔާމަތް ދުވަހު ލެއްވިގެންވާ ނޫރެއް ކަމަށެވެ. މީގެ އިތުރުން، މިއީ ކަޙަފް ސޫރަތް ކިޔެވުމުން ހިތަށް ލިބޭ ހިތްހަމަޖެހުމުން ލިބޭ ނޫރެއްކަމަށް ވެސް ބައެއް ޢިލްމުވެރިން ވަނީ ވިދާޅުވެފައެވެ.

އެހެންކަމުން އަޅުގަނޑުމެން އަބަދުވެސް ހަނދާންކުރަންވީ، ހުކުރު ދުވަހުގެ ކޮންމެވެސް ވަޤުތެއްގައި ކަޙަފް ސޫރަތް ކިޔެވޭތޯއެވެ. 

ހިޖުރީ ގޮތުން ބަލާނަމަ ހުކުރު ދުވަސް ފެށެނީ ބުރާސްފަތި ދުވަހުގެ އިރުއޮއްސުމުންނެވެ. އެހެންކަމުން ބުރާސްފަތި ދުވަހުގެ އިރުއޮއްސޭ ވަގުތުން ފެށިގެން ހުކުރު ދުވަހުގެ އިރުއޮއްސުމާ ދޭތެރޭ ކޮންމެ ވަގުތެއްގައި ވެސް ކަޙަފް ސޫރަތް ކިޔެވިދާނެއެވެ. އަދި މިކަން ބަހާލައިގެން ވެސް ކުރެވިދާނެއެވެ. 

ﷲ ސުބްޙާނަޙޫ ވަޠަޢާލާގެ މި ނޫރާއި ބަރަކާތް ގެއްލުވާލާނެ ބަޔަކަށް އަޅުގަނޑުމެން ނުވަމާތޯއެވެ. 

މަސްދަރު:

1446 ވަނަ އަހަރުގެ ރަމަޟާން މަހަށް ޙާއްސަކޮށް ފަރުދުން މީޑިއާއިން ގެނަސްދިން "ބަރަކާތް" ޕްރޮގްރާމް.

އެޕިސޯޑުގެ ޕްރެޒެންޓަރ: އައްޝައިޙާ މަރްޔަމް ޝަބާނާ

މި ލިޔުން ކިޔާލުމުން