ކަޅު ބާޒާރުގައި ޑޮލަރު ވިއްކި ދެ ބިދޭސީއަކު ޑީޕޯޓްކޮށްފި!

ކަޅު ބާޒާރުގައި ޑޮލަރު ވިއްކި ދެ ބިދޭސީއަކު ރާއްޖެއިން ޑީޕޯޓު ކޮށްލައިފިއެވެ. 

ކަޅު ބާޒާރުގައި ޑޮލަރުގެ ވިއްކަމުން ދިޔަ މައްސަލާގައި އިމިގްރޭޝަންގެ ބެލުމުގެ ދަށަށް 5 ބިދޭސީން ގެންގޮސްފައިވަނީ މިމަހުގެ 5 ވަނަ ދުވަހުއެވެ.

މި ރެއިޑަކީ އިމިގްރޭޝަންގެ ޓާސްކް ފޯސްއަށް ލިބުނު މަޢުލޫމާތެއްގެ އަލީގައި، އިމިގްރޭޝަނާއި ފުލުހުން ގުޅިގެން ކުރިއަށް ގެންދިޔަ ރެއިޑެއްކަމަށް އިމިގްރޭޝަނުން ބުނެފައިވެއެވެ.

ހައްޔަރުކުރެވުނު ބިދޭސީންގެ އަތުން ގިނަ ޢަދަދެއްގެ ދިވެހި ފައިސާގެ އިތުރުން ޑެބިޓް އަދި ކްރެޑިޓް ކާޑުތައް ވަނީ ފެނިފައެވެ.

މި މައްސަލާގައި އަތުލައިގެން މީހުންގެ ތެރެއިން ދެ މީހުން ޑީޕޯޓްކޮށްލާފައިވާކަމަށާއި، ބާކީ ތިބި ތިން މީހުންގެ ތަޙުޤީޤު ކުރިޔަށްދާކަމަށް އިމިގްރޭޝަނުން ބުނެފައިވެއެވެ.