10ރަށެއްގައި އައު ޞިއްޙީ މަރުކަޒުތައް އިމާރާތް ކުރުމުގެ މަސައްކަތް ހަވާލުކޮށްފި

10 ރަށެއްގައި ޞިއްޙީ މަރުކަޒުތަކުގެ އައު އިމާރާތް އިމާރާތްކުރުމުގެ މަސައްކަތް ހަވާލުކޮށްފިއެވެ. 

އެގޮތުން ހދ ނެއްލައިދޫ ޞިއްޙީ މަރުކަޒު ، ށ މިލަންދޫ ހޮސްޕިޓަލް، ކ ތުލުސްދޫ ހޮސްޕިޓަލް، އއ ރަސްދޫ ހޮސްޕިޓަލް އަދި ގއ ވިލިގިލީގެ ހޮސްޕިޓަލް އެޅުމަށް ވަނީ ހަވާލުކޮށްފައެެވެ. މި ރަށްރަށުގައި ޞިއްޙީ މަރުކަޒުތަކާއި ހޮސްޕިޓަލްތަކުގެ އައު އިމާރާތް އެޅުމުގެ މަސައްކަތް ހަވާލުކޮށްފައިވަނީ އެމްޓީސީސީއާއި އެވެ. މިމަސައްކަތް ހަވާލުކޮށްފައިވަނީ 2027 ވަނަ އަހަރަށް ނިންމާގޮތަށެވެ. 

މީގެއިތުރުން ބ ކުޑަރިކިލު ޞިއްޙީ މަރުކަޒު، ގއ ކޮނޑޭ ޞިއްޙީ މަރުކަޒު އަދި ގދ ނަޑެއްލާ ޞިއްޙީ މަރުކަޒުގެ އައު އިމާރާތްކުރުމުގެ މަސައްކަތް ފެނަކަ ކޯޕަރޭޝަނާއި ހަވާލުކޮށްފައިވެއެވެ. 

ހަމަމިއާއިއެކު ނ ވެލިދޫ ހޮސްޕިޓަލާއި އާއި އދ ފެންފުށީގައި ޞިއްޙީ މަރުކަޒުގެ އައު އިމާރާތް އެޅުަމަށް އާރްޑީސީ އަށް ވަނީ ހަވާލުކޮށްފައިވެއެވެ. 

މިއިން ކޮންމެ މަޝްރޫޢަކަށްވެސް ސަރުކާރުން ބޮޑެތި ޚަރަދުތަކެއް ކުރުމަށް ވަނީ ހަމަޖެހިފައެވެ.އެގޮތުން:-

• ނ. ވެލިދޫ ހޮސްޕިޓަލުގެ އައު ޢިމާރާތުގެ މަސައްކަތް 108 މިލިޔަނަށްވުރެ ގިނަ ރުފިޔާ
•  އދ. ފެންފުށީ ސިއްޙީ މަރުކަޒުގައި މުޅިން އައު ޢިމާރާތް އެޅުމަށް 26 މިލިޔަނަށްވުރެ ގިނަ ރުފިޔާ
• ބ. ކުޑަރިކިލު ސިއްޙީ މަރުކަޒުގައި އިތުރު ޢިމާރާތެއް ތަރައްޤީކުރުމަށް އަދި ގއ. ކޮނޑޭގައި ހުރި ސިއްޙީ މަރުކަޒަށް ބޭނުންވާ އިތުރު ޢިމާރާތެއް ތަރައްޤީކުރުމަށް 6 މިލިޔަނަށްވުރެ ގިނަ ރުފިޔާ
• ގދ. ނަޑެއްލާ ސިއްޙީ މަރުކަޒަށް އިތުރުކުރެވޭ ޢިމާރާތް ތަރައްޤީކުރުމަށް 6 މިލިޔަނަށްވުރެ ގިނަ ރުފިޔާ
• ށ. މިލަންދޫ ހޮސްޕިޓަލުގެ އައު ޢިމާރާތާއި ކ. ތުލުސްދޫ ހޮސްޕިޓަލުގެ އައު ޢިމާރަތުގެ މަސައްކަތް ހަވާލުކޮށްފައިވަނީ އެއިން ކޮންމެ ހޮސްޕިޓަލެއް ތަރައްޤީކުރުމަށް 110 މިލިޔަނަށްވުރެ ގިނަ ރުފިޔާ
• އއ. ރަސްދޫއާއި ގއ. ވިލިނގިލީ ހޮސްޕިޓަލުގެ އައު ޢިމާރާތް ތަރައްޤީކުރުމަށް ހަވާލުކޮށްފައިވަނީ އެއިން ކޮންމެ ހޮސްޕިޓަލެއް ތަރައްޤީކުރުމަށް 185 މިލިޔަނަށްވުރެ ގިނަ ރުފިޔާ
•  ހދ.ނެއްލައިދޫ ސިއްޙީ މަރުކަޒަށް އަލަށް އިތުރުކުރެވޭ ޢިމާރާތުގެ މަސައްކަތައް 11 މިލިޔަނަށްވުރެ ގިނަ ރުފިޔާ 

މި މަސައްކަތްތައް ތާވަލާއެއްގޮތަށް ނިންމުމަށް މަސައްކަތް ކުރައްވާނެކަމަށް ކުންފުނިތަކުގެ މެނޭނިޖްގ ޑިރެކްޓަރުން ވަނީ ވިދާޅުވެފައެވެ.