Ads by Exprox

ޚަބަރު

ޝައްވާލް މަހުގެ ހަނދު ސާބިތުކުރަން ބައްވާ ޖަލްސާ މިރޭ އޮންނާނެ

ޝައްވާލް މަހުގެ ހަނދު ސާބިތުކުރަން ބައްވާ ޖަލްސާ މިރޭ އޮންނާނެ

ރަމަޟާން މަހަށް ހަނދު ބަލަން ބޭއްވި ޖަލްސާގެ ތެރެއިން. ފޮޓޯ: އިސްލާމީ ވުޒާރާ

ޙަސްނާ އަޙްމަދް

ޙަސްނާ އަޙްމަދް

29 މާރިޗު 2025، 12:35

29 މާރިޗު 2025، 12:35

ޝަައްވާލް މަހުގެ ހަނދު ސާބިތުކުރަން ބާއްވާ ޖަލްސާ މިރޭ އޮންނާނެއެވެ. 

އިސްލާމީ ކަންތައްތަކާއި ބެހޭ ވުޒާރާއިން ބުނެފައިވަނީ ޝައްވާލް މަހުގެ ހަނދު ސާބިތުކުރަން ބާއްވާ ޖަލްސާ މިރޭ 8:00 އޮންނާނެ ކަމަށެވެ. 

ހަނދުބެލުމުގެ ކަންކަމުގައި އެހެން އަހަރުތަކުގައި ވެސް ޢަމަލުކުރަމުންދާ އުސޫލުގެ ތެރެއިން ހަނދުބެލުމަށް ދިޔުމާއި ހަނދު ފެނުނުކަމަށް ހެކިބަސް ދިނުމުގެ ކަންކަން ކުރިއަށްގެންދިޔުމަށްވަނީ ނިންމާފައެވެ.

އެގޮތުން އެހެން އަހަރުތަކެކޭ އެއްގޮތަށް މިއަހަރުގެ ޝައްވާލްމަހުގެ ހަނދު ސާބިތުކުރުމަށްޓަކައި، ހެކިބަސްދިނުމުގެ އިންތިޒާމް ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން، ޑީޖޭއޭއިން ވަނީ ހަމަޖައްސާފައެވެ.

ޑީޖޭއޭއިން ބުނެފައިވަނީ އެހެންއަހަރުތަކެކޭ އެއްގޮތަށް މިއަހަރުގެ ޝައްވާލްމަހުގެ ހަނދު ދުށް މީހަކު ނުވަތަ ބަޔަކު ހެކިބަސް އަދާކުރުމަށްޓަކާ، އަދި ހަނދުގެ މައްސަލަ ވަކިގޮތަކަށް ނިމެންދެން މާރިޗު 29 ވާ ހޮނިހިރު ދުވަހުގެ ހަވީރު ފަސްގަޑި ތިރީހުން ފެށިގެން ޖުޑިޝަލް އެޑްމިނިސްޓްރޭޝަނާއި، ރަށްރަށުގެ މެޖިސްޓްރޭޓް ކޯޓްތަކާއި، ރަށުކައުންސިލް އަދި އަތޮޅުކައުންސިލް އިދާރާތައް ހުޅުވިފައި ހުންނާނެކަމަށެވެ.

މާލޭގައިނަމަ ހަނދުފެންނަ ބަޔަކު ހެކިބަސް އަދާކުރުމަށް ހަމަޖެހިފައިވަނީ މާލޭގެ ކޯޓެއްގެ ގާޒީއެއްގެ ކުރިފުޅުމަތީގައިކަމަށާ، އަތޮޅުތެރޭގައިނަމަ އެރަށެއްގެ މެޖިސްޓްރޭޓުކޯޓްގެ މެޖިސްޓްރޭޓުގެ ކުރިފުޅު މަތީކަމަށް ޑީޖޭއޭއިން މަޢުލޫމާތުދެއްވައެވެ.

މެޖިސްޓްރޭޓެއް ނެތް ރަށެއްނަމަ ކައުންސިލް އިދާރާއާ ހަވާލުވެ ހުންނެވި އިސްވެރިއެއްގެ ކުރިފުޅުމަތީކަމަށް އެއިދާރާއިން މަޢުލޫމާތުދެއްވައެވެ. މިގޮތުން ހަނދުފެނިގެން އެކަމުގެ މަޢުލޫމާތުދޭއިރު، ގާތްގަނޑަކަށް ހަނދުހުރި އުސްމިނާ، މިސްރާބާއި، އަދި މިނޫންވެސް މިފަދަ މުހިންމު މަޢުލޫމާތު ދިނުމަށް ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަނުން އެދިވަޑައިގަންނަވައެވެ.

ފަލަކީ އިލުމްވެރިން ބުރަވެފައިވަނީ މިއަހަރުގެ ފިޠުރު ޢީދު ދުވަހަކީ މި ހިނގާ މާރިޗު މަހުގެ 31 ވަނަ ދުވަސް ކަމަށެވެ. 

 

މި ލިޔުން ކިޔާލުމުން

Ads by MSS