މަގުމަތިން މީހެއްގެ ގަޔަށް ކަޅުތެޔޮ ޖެހި މައްސަލައެއްގައި މީހަކު ހައްޔަރުކޮށްފި

މާލޭ މަގުމަތިން މީހެއްގެ ގަޔަށް ކަޅުތެޔޮ ޖެހި މައްސަލައެއްގައި މީހަކު ހައްޔަރުކޮށްފިއެވެ. 

މިމައްސަލައަކީ މާލޭ ކަލާފާނު ހިނގުމުން ސައިކަލެއްގައި ދުއްވާފައިދިޔަ މީހެއްގެ ގަޔަށް އެހެން ސައިކަލެއްގައި ދިޔަ ދެމީހަކު ކަޅުތެޔޮ ޖެހި މައްސަލައެކެވެ.

މިމައްސަލާގެ ތުހުމަތުގައި ހައްޔަރުކޮށްފައިވާ މީހަކީ ގއ ދާންދޫ ސަންލައިޓްވިލާ، އުމުރުން 20 އަހަރުގެ  އަހްމަދު ރިޝްމާހެވެ. 

ފުލުހުން ބުނެފައިވަނީ ރިޝްމާހް ހައްޔަރުކޮށްފައިވަނީ ކޯޓު އަމުރެއްގެ ދަށުން 27 މާރޗް 2025 ގައި ކަމަށެވެ. އަދި އޭނާގެ ބަންދާއި މެދު ގޮތެއް ނިންމަން ކޯޓަށް ހާޒިރުކުރުމުން އޭނާ 15 ދުަވަހަށް ބަންދުކުރުމަށް ކޯޓުން އަމުރުކޮށްފައިވާ ކަމަށް ފުލުހުން ބުނެއެވެ. 

ފުލުހުން ބުނީ މިމައްސަލަ އިތުރަށް ތަހުޤީޤު ކުރަމުންދާ ކަމަށެެވެ.