ޢީދު ދުވަހު މަންފާ ޖަމިއްޔާއާއި އެޗްޑީސީ އިން ގުޅިގެން ކުޑަކުދިންގެ ހަވީރެއް ބާއްވަނީ

ކުރިއަށް އޮތް ފިޠުރު ޢީދު ދުވަހުގެ ހަވީރު “ޢީދު ފެސްޓިވަލް” ގެ ނަމުގައި އެޗްޑީސީ އާއި މަންފާ ޖަމިއްޔާ ގުޅިގެން ކުޑަކުދިންގެ ހަވީރެއް ބޭއްވުމަށް ހަމަޖެހިއްޖެއެވެ.

ހުޅުމާލެ ސެންޓްރަލް ޕާކުގައި ބާއްވާ މި ޢީދު ފެސްޓިވަލް އޮންނާނީ އެދުވަހުގެ 16:00އިން 17:45 އަކަށެވެ. 

އެޗްޑީސީއިން މަޢުލޫމާތު ދެއްވި ސިރާޖް ވިދާޅުވީ “ޢީދު ފެސްޓިވަލް” ގައި ކުޑަކުދިންނާއި ގުޅޭ ކުދންނަށް ބައިވެރިވެވޭ އެކިއެކި ސްޓޯލްތައް ހުންނާނެ ކަމަށެވެ މީގެ އިތުރުން ހަދިޔާ ދިނުންވެސް އޮންނާނެ ކަމަށް ސިރާޖް ވިދާޅުވިއެވެ. 

މީގެ އިތުރުން ޢީދު ވިލޭރޭ އެޗްޑީސީ އިން ބާއްވާ ޑްރޯން ޝޯއެއް އޮންނާނެ ކަމަށާއި އެ އިވެންޓްގެ ތެރެއިން ހަވާއެރުވުންވެސް ކުރިއަށް ދާނެ ކަމަށް ސިރާޖް ވިދާޅުވިއެވެ.