ޚަބަރު
ދުނިޔޭގެ އެކި ކަންކޮޅުތަކުގައި ދިރިއުޅޭ ދިވެހީންގެ ޢީދު ތަހުނިޔާ ފުރަތަމަ ފަހަރަށް ވީޑިއޯއިން
ސްރީ ލަންކާގައި ދިރިއުޅޭ ބައެއް ދިވެހިން ފޮޓޯ: ރާއްޖެ އެމްވީ
މިއަހަރުގެ ފިޠުރު ޢީދުގެ މުނާސަބަތުގައި، ދުނިޔޭގެ އެކި ކަންކޮޅުތަކުގައި ދިރިއުޅެމުން އަންނަ ދިވެހި ރައްޔިތުންގެ ޢީދު ތަހުނިޔާ ވީޑިއޯއެއް މެދުވެރިކޮށް ފުރަތަމަ ފަހަރަށް ގެނެސްދީފިއެވެ. މި ވީޑިއޯ ތައްޔާރުކޮށް ގެނެސްދީފައިވަނީ ރާއްޖޭން ބޭރު އެކި ޤައުމުތަކުގައި ހުންނަ ދިވެހި ސަފާރާތަކާއި ކޮންސިއުލޭޓުތަކާއި، ދިވެހި ބަހާއި ސަގާފަތާއި ތަރިކައާ ބެހޭ ވުޒާރާ ގުޅިގެންނެވެ.
1446 އަހަރުގެ ފިޠުރު ޢީދު ތަހުނިޔާ ފޮނުވުން. #ދައުލަތުގެޓީމު #ފިޠުރުޢީދު1446 pic.twitter.com/gW6WkW5nMy
— Ministry of Dhivehi Language, Culture and Heritage (@MoDLCH) March 30, 2025
1446 އަހަރުގެ ފިޠުރު ޢީދު ތަހުނިޔާ ފޮނުވުން. #ދައުލަތުގެޓީމު #ފިޠުރުޢީދު1446 pic.twitter.com/L9e2zRwN4V
— Ministry of Dhivehi Language, Culture and Heritage (@MoDLCH) March 30, 2025
މި ވީޑިއޯގައި، އިންޑިއާ، ސްރީލަންކާ، ބަންގްލަދޭޝް، މެލޭޝިއާ، ޖަރުމަނު، ޕާކިސްތާނު، އަބޫ ދާބީ، އެމެރިކާ، ސައުދީ އަރަބިއްޔާ، ތައިލޭންޑް، ޗައިނާ އަދި ތުރުކީގައި ދިރިއުޅެމުންދާ ދިވެހީން ވަނީ އެކި ގޮތްގޮތުން ޢީދުގެ ތަހުނިޔާ ފޮނުވާފައެވެ. މިއީ މިފަދަ ގޮތަކަށް އެކި ޤައުމުތަކުގައި ދިރިއުޅެމުންދާ ދިވެހީންގެ ބައިވެރިވުން ހިމެނޭ ޢީދު ތަހުނިޔާއެއް މީސް މީޑިއާގައި ގެނެސްދެވުނު ފުރަތަމަ ފަހަރެވެ.
ދިވެހި ބަހާއި ސަގާފަތާއި ތަރިކައާ ބެހޭ ވުޒާރާގެ ފަރާތުން މި ވީޑިއޯ ވަނީ އެ ވުޒާރާގެ މީސް މީޑިއާ ޗެނަލްތައް މެދުވެރިކޮށް ޢާންމުކޮށްފައެވެ. މި ވީޑިއޯ މެދުވެރިކޮށް، ބޭރު ޤައުމުތަކުގައި ދިރިއުޅޭ ގިނަ އަދަދެއްގެ ދިވެހީންނަށް އެމީހުންގެ ވަޠަނާ ގުޅުވައިދީ، ޢީދުގެ އުފާވެރިކަން ހިއްސާކުރުމުގެ ފުރުސަތު ލިބިގެން ދިޔައެވެ.
