ކޮލަމް / ޚަބަރު

އުފާވެރިކަމުގެ ތެރޭގައިވެސް، އިންސާފާއި ސުލްޙައަށް ބޭނުންވާ މީހުންގެ ހަނދާން ނައްތައެއްނުލާ

އުފާވެރިކަމުގެ ތެރޭގައިވެސް،  އިންސާފާއި ސުލްޙައަށް ބޭނުންވާ މީހުންގެ ހަނދާން ނައްތައެއްނުލާ

ޑްރޯން ޝޯ ފޮޓޯ:އެޗްޑީސީ

އާމިނަތު ޔުމްނާ

އާމިނަތު ޔުމްނާ

31 މާރިޗު 2025، 01:31

31 މާރިޗު 2025، 01:31

މިއީ ޢީދުގެ އުފާވެރި މުނާސަބަތު ފާހަގަކުރުމަށް ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން ރޭވި  ޑްރޯން ޝޯއ ގެ އެންމެ ހިތްގައިމު މަންޒަރެވެ. ކުދިބޮޑު އެންމެނާއި ޢާއިލާތައް ޢީދުގެ އުފާ ފާޅުކުރަން އެއްވެފައިވަނިކޮށް، ފެނިގެންދިޔައީ ލޯތްބާއި އެއްބައިވަންތަކަމާއި، ފަންނުވެރިކަމާއި، ދެމިހުންނަނިވި އެކުވެރިކަމުގެ ރީތި އަލިކަމެކެވެ.

މި ޝޯގެ އެންމެ ފާހަގަކޮށްލެވޭ ކަމަކީ  ހިތެއްގެ ސިފައިގައި ފަލަސްޠީނުގެ ދިދައިއުޑުމަތިން ދިއްލާލި ވަގުތު ކަމަށް އެތަނަށް ދިޔަ ގިނަމީހުން ފާހަގަކުރިއެވެ. ފެނިގެންދިޔައީ ދިވެހީންގެ ހިތުގައި ފަލަސްތީނަށް އޮތް ލޯތްބާއި، އެހީތެރިކަން އަދި އުންމީދުގެ ވަރުގަދަ ނިޝާނެކެވެ. އުފާވެރިކަމުގެ ތެރޭގައިވެސް، ދުނިޔެއިން އިންސާފާއި ސުލްޙައަށް ބޭނުންވާ މީހުން ހަނދާން ނައްތާނުލާކަމުގެ ހަނދާންކޮށްދިނުމެކެވެ.

އެވަގުތަކީ އިންސާނިއްޔަތުކަމުގެ މެދުގައިވާ ފުން ގުޅުމާއި އެކުވެރިކަމުގައި އެކުގައި ތެދުވެ ހުރުމުގެ މުހިންމުކަން ހަނދާންކޮށްދިން، ހިތްގައިމު ވަގުތުކޮޅެކެވެ. ޑްރޯންތަކުގެ އަލިކަންގަދަ ކުލަބޮކި ތަކުން ދައްކުވައިދިނީ ހަމައެކަނި ކުލަތަކެއް ނޫނެވެ. އެ ކުލަތަކުން އުފުލީ ސުލްޙަ އޮންނަ މުސްތަޤުބަލަކަށް އެދިއެދި ތިބި އެތައް މިލިއަން މީހުންގެ އަޑުތަކެވެ.

އީދަކީ އުފާވެރިކަމާއި، އެކުވެރިކަމާއި އަދި ދީލަތިކަމުގެ ވަގުތެކެވެ. އެޗްޑީސީގެ މިޝޯއިން މި އިހުސާސްތަކަށް އިތުރު ފަށަލައެއް އިތުރުކޮށްދިނެވެ - އެއީ ހޭލުންތެރިކަމާއި، ތަޢައްޞުބާއި އަދި އެއްބައިވަންތަކަމަށް ގޮވާލުމުގެ ފަށަލައެކެވެ. އެއިން ދައްކުވައިދިނީ އުފާކުރުމުގެ ތެރޭގައިވެސް، ދަތި ހާލުގައިވާ މީހުންނާއި މެދު ވިސްނުމަށާއި، ހަނދާންކުރުމަށާއި، އަދި ދަތިތަކާ ކުރިމަތިލަމުންދާ މީހުންނާއެކު ތެދުވެ ތިބުމަށް ޖާގަ އޮންނަކަމެވެ.

ޑްރޯން ޝޯ އިން ލިބިގެން ދިޔައީ ޚާއްސަ މެސެޖެކެވެ. އަލިތައް މަޑުވެ، ޑްރޯންތައް ތިރިވަމުންދިޔައިރު، ޝޯއިން ލިބުނު މެސެޖު ކޮންމެ ހިތެއްގައި ސާފުކޮށް ދެމިހުންނާނެ ކަން ޔަގީނެވެ. 
                    


                    

މި ލިޔުން ކިޔާލުމުން

Ads by MSS