ޚަބަރު
ސްޓެލްކޯގެ މުވައްޒަފުންގެ ހީވާގިކަމާއިއެކު ފޯރިގަދަ ޢީދު ހަވީރެއް
ސްޓެލްކޯއިން ޢީދު ހަވީރު ތައްޔާރުކުރުން ފޮޓޯ:ސްޓެލްކޯ
ފިޠުރު ޢީދު 1446 ގެ މުނާސަބަތުގައި ކުރިއަށްގެންދިޔަ ޢީދު ހަވީރު ފެސްޓިވަލް ވަރަށް ކާމިޔާބު ގޮތެއްގައި ނިމިގެން ގޮސްފިއެވެ. މި ފެސްޓިވަލްގެ ކާމިޔާބީގެ ފަހަތުގައި ސްޓެލްކޯގެ ފަންނުވެރި އަދި ހީވާގި މުވައްޒަފުން އަދާކުރި މުހިއްމު ދައުރު ފާހަގަކޮށް، އެ މުވައްޒަފުންނަށް ކުންފުނިން ވަނީ ޝުކުރު އަދާކޮށްފައެވެ.
ފިޠުރު ޢީދު ކުލަގަދަކޮށް ފާހަގަކުރުމަށް ކުރިއަށްގެންދިޔަ ޢީދު ބޮކި ދިއްލުމާއި، ޢީދު ހަވީރު ފެސްޓިވަލް ކާމިޔާބުކަމާއިއެކު ކުރިއަށްގެންދިއުމަށް މި ކުންފުނީގެ ފަންނުވެރި، ހީވާގި މުވައްޒަފުން އަދާކޮށްދިން މުހިއްމު ރޯލު ފާހަގަކޮށް، އެ މުވައްޒަފުންނަށް ސާބަހާއިއެކު ފަށްފަށުން ޝުކުރު… pic.twitter.com/Zm1KbUK9MD
— STELCO (@STELCOMALDIVES) March 30, 2025
ފިޠުރު ޢީދު ކުލަގަދަކޮށް ފާހަގަކުރުމަށް ކުރިއަށްގެންދިޔަ ޢީދު ބޮކި ދިއްލުމާއި، ޢީދު ހަވީރު ފެސްޓިވަލް ކާމިޔާބުކަމާއިއެކު ކުރިއަށްގެންދިއުމަށް މި ކުންފުނީގެ ފަންނުވެރި، ހީވާގި މުވައްޒަފުން އަދާކޮށްދިން މުހިއްމު ރޯލު ފާހަގަކޮށް، އެ މުވައްޒަފުންނަށް ސާބަހާއިއެކު ފަށްފަށުން ޝުކުރު… pic.twitter.com/Zm1KbUK9MD
— STELCO (@STELCOMALDIVES) March 30, 2025
މާރިޗު 31 އަދި އޭޕްރީލް 1 ވަނަ ދުވަހުގެ ހަވީރު 4 އިން 6 އަށް ޖުމްހޫރީ މައިދާން ސަރަހައްދުގައި ކުރިއަށްގެންދިޔަ މި ފެސްޓިވަލްގައި ސްޓެލްކޯއިން ކުރިއަށްގެންދިޔަ ޙަރަކާތްތަކުގައި އެކި އުމުރުފުރައިގެ ގިނަ ބަޔަކު ބައިވެރިވެ، އުފާވެރި ވަގުތުތަކެއް ހޭދަކުރިކަން ފާހަގަކުރެވުނެވެ. މިއީ ޢީދުގެ އުފާވެރިކަން އިތުރުވެގެންދިޔަ ކަމެއްކަމަށް ސްޓެލްކޯއިން ބުނެފައިވެއެވެ.
ފެސްޓިވަލްގެ ތެރެއިން ކުރިއަށްދިޔަ ޙަރަކާތްތައް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބައްލަވާލެއްވިކަންވެސް ފާހަގަކުރެވުނެވެ. މީގެ އިތުރުން، ފިޠުރު ޢީދު ކުލަގަދަކޮށް ފާހަގަކުރުމުގެ ގޮތުން ކުރިއަށްގެންދިޔަ ޢީދު ބޮކި ދިއްލުމުގެ ޙަރަކާތްތަކުގައިވެސް ސްޓެލްކޯގެ މުވައްޒަފުން އިސްނަގައިގެން މަސައްކަތްކޮށްފައިވާކަން ފާހަގަކުރެވެއެވެ.
ސްޓެލްކޯއިން ބުނީ މި ފަދަ ޤައުމީ ފެންވަރުގެ ޙަރަކާތްތަކުގައި ކުންފުނީގެ މުވައްޒަފުން ދައްކަމުންދާ ހީވާގިކަމާއި ފަންނުވެރިކަމަކީ ކުންފުންޏަށް ލިބޭ ވަރަށް ބޮޑު ފަޚުރެއް ކަމުގައެވެ.
