ކުޅިވަރު

ސާބާ ކްލަބް ޗެމްޕިއަންޝިޕަށް ތައްޔާރުވާ ޓީރެކްސްގެ އެންމެ ފަހުގެ ތައްޔާރީތައް ޗެންނާއީގައި

ސާބާ ކްލަބް ޗެމްޕިއަންޝިޕަށް ތައްޔާރުވާ ޓީރެކްސްގެ އެންމެ ފަހުގެ ތައްޔާރީތައް ޗެންނާއީގައި

ޓީރެކްސްގެ ފަރިތަކުރުންތައް، ފޮޓޯ: ސިޑިބަރި

މިފްތާޙް މުޙައްމަދު

މިފްތާޙް މުޙައްމަދު

31 މާރިޗު 2025، 02:34

31 މާރިޗު 2025، 02:34

ސައުތު އޭޝިއަން ބާސްކެޓްބޯލް އެސޯސިއޭޝަން (ސާބާ) އިން މުޅިން އަލަށް ބާއްވާ ސާބާ ކްލަބް ޗެމްޕިއަންޝިޕްގައި ރާއްޖެއިން ވާދަކުރާ ޓީރެކްސް ބާސްކެޓްބޯލް ކުލަބުން މުބާރާތުގެ އެންމެ ފަހުގެ ތައްޔާރީތައް އިންޑިއާގެ ޗެންނާއީގައި ފަށައިފިއެވެ.

މި މުބާރާތް ބޭއްވުމަށް ހަމަޖެހިފައިވަނީ އެޕްރީލް މަހުގެ 2 – 7 އަށް ޗެންނާއީގެ ޖަވާހަރުލާލް ނެހްރޫ އިންޑޯ ސްޓޭޑިއަމްގައެވެ. 

މި މުބާރާތަށް ތައްޔާރުވުމުގެ ގޮތުން ޓީރެކްސްއިން ޗެންނާއީއަށް ގޮސްފައިވަނީ މި މަހުގެ 28 ވަނަ ދުވަހެވެ.

މުބާރާތާ ގުޅިގެން ޓީރެކްސްގެ ކޯޗު ޕީއެސްއެމްއަށް ދިން އިންޓަވިއުއެއްގައި ބުނީ، މުބާރާތަށް ކާމިޔާބުކުރުމަށް ވަރުގަދަ އަޒުމެއްގައި މަސައްކަތް ކުރަމުން އަންނަ ކަމަށާއި، އަދި އުއްމީދަކީ މުބާރާތުގެ ތައްޓާއެކު ރާއްޖެއަށް އަނބުރާ އައުންކަމަށެވެ.

މި މުބާރާތުގައި ޖުމްލަ 6 ކްލަބަކުން ވާދަކުރުމަށް ހަމަޖެހިފައިވެއެވެ. އޭގެ ތެރޭގައި ރާއްޖެއާއެކު ހިމެނެނީ އިންޑިއާ، ނޭޕާލް، ސްރީލަންކާ، ބޫޓާން އަދި ޕާކިސްތާނު ހިމެނޭހެން ކޮންމެ ޤައުމަކުން ޓީމެކެވެ. 

އެގޮތުން، މުބާރާތުގައި ވާދަކުރާނީ އިންޑިއާގެ ކުލަބު ޓެމިލް ނާޑޫ އާއި، ބޫޓާންގެ ތިމްޕޫ މެޖިކްސް އާއި، ނޭޕާލްގެ ޓައިމްސް ބީސީ އާއި، ސްރީ ލަންކާގެ ކޮލަމްބޯ ބީސީ އަދި ޕާކިސްތާނުގެ އައިއެސްބީ ޕެންތާސްއެވެ.

 

ލީގު ފޯމެޓަށް ކުޅުމަށް ހަމަޖެހިފައިވާ މި މުބާރާތުގައި ޓީރެކްސްގެ މެޗުތައް ކުޅުމަށް ހަމަޖެހިފައިވާ ދުވަސްތައް:

  • 2 އެޕްރީލް - ތިމްޕޫ މެޖިކްސް (ބޫޓާން)
  • 3 އެޕްރީލް - ކޮލަމްބޯ ބީސީ (ސްރީލަންކާ)
  • 4 އެޕްރީލް - ޓައިމްސް ބީސީ (ނޭޕާލް)
  • 5 އެޕްރީލް - ކުލަބު ޓެމިލް ނާޑޫ (އިންޑިއާ)
  • 6 އެޕްރީލް - އައިއެސްބީ ޕެންތާސް (ޕާކިސްތާން)

 

މި މުބާރާތުގައި ވާދަކުރާ ރާއްޖޭގެ ޓީރެކްސްގައި އިންޑިއާގެ 3 ކުޅުންތެރިން ވެސް ހިމެނެއެވެ. އަދި މި ޓީމުގެ ކޯޗަކީ ރާއްޖޭގައި ގިނަ ދުވަސްތަކެއް ވަންދެން ކޯޗު ކޮށްދިން އިންޑިއާގެ ކޯޗް ސްޕުންއެވެ.

މި މުބާރާތުގެ ޗެމްޕިއަން ޓީމަށް ފީބާ ވެސްޓް އޭޝިއާ ސުޕަ ލީގު ބާސްކެޓްބޯލް މުބާރާތުގެ ފައިނަލުން ފުރުސަތު ދޭ ގޮތަށް ވަނީ ހަމަޖެހިފައެވެ. ފައިނަލުގައި، މި މުބާރާތުގެ ޗެމްޕިއަން ޓީމު ވާދަކުރަންޖެހޭނީ ދުބާއީގެ ޝަބާބް އަލް އަހްލީއާއެވެ. 

މި ލިޔުން ކިޔާލުމުން

Ads by MSS