ފުޑް ސޭފްޓީ އެންޑް ކޮލިޓީ ބޯޑުގެ ތިން މަޤާމަކަށް މެމްބަރުން ހޯދަން އިޢުލާނުކޮށްފި!

ފުޑް ސޭފްޓީ އެންޑް ކޮލިޓީ ބޯޑުގެ ތިން މަޤާމަކަށް މެމްބަރުން ހޯދަން ޞިއްޙީ ވުޒާރާއިން އިޢުލާނުކޮށްފިއެވެ. 

ޞިއްޙީ ވުޒާރާއިން އެބޯޑުގެ ތިން މަޤާމަށް މީހުން ހޯދުމަށް ތިން އިޢުލާނެއް ވަނީ ކޮށްފައެވެ. އެގޮތުން މީހުން ހޯދުމަށް އިޢުލާނު ކޮށްފައިވާ މަޤާމުގަތަކަކީ 

 ފުޑް ސައިންސްގެ މާހިރެއްގެ މަޤާމާއި، ޚިދުމަތް ލިބިގަންނަ ފަރާތްތައް ތަމްސީލުކުރާ ފަރާތެއްގެ މަޤާމާއި އަދި އިތުރުން ކާބޯތަކެތީގެ ޚިދުމަތްދޭ ތަންތަން ތަމްސީލުކުރާ ފަރާތެއްގެ މަޤާމެވެ. 

 މި މަޤާމުތަކަށް މީހުން ނެގުމަށް ހަމަޖެހިފައިވަނީ 5 އަހަރުގެ ދައުރަކަށެވެ.

 މި މަޤާމުތަކުގެ މައިގަނޑު މަސްޢޫލިއްޔަތުތަކީ، ކާބޯތަކެތީގެ ފެންވަރާއި ޞިއްޙީ ރައްކާތެރިކަން ކަށަވަރުކުރުމާ ގުޅޭގޮތުންނާއި ކާބޯތަކެއްޗަކީ ޞިއްޙަތަށް ފައިދާހުރި ތަކެތި ކަމުގައި ކަށަވަރުކުރުމާ ގުޅޭގޮތުން އޮތޯރިޓީއަށް ލަފަޔާއި އިރުޝާދާއި ފަންނީ އެހީތެރިކަން ފޯރުކޮށްދިނުމާއި، ޤާނޫނު ތަންފީޛުކުރުމުގައި ދިމާވާ ގޮންޖެހުންތަކަށް ޙައްލު ހޯދުމުގައި އޮތޯރިޓީއަށް ލަފާދިނުމެވެ.

ކާބޯތަކެތީގެ ޚިދުމަތްދޭ ވިޔަފާރިއެއް ނުވަތަ ކާބޯތަކެތީގެ ޚިދުމަތްދޭ އެނޫންވެސް ތަނެއްގައި މަޞްލަޙަތެއް އޮތް ފަރާތެއް ކަމުގައި ނުވުމަކީ މަޤާމަށް ކުރިމަތިލާ ފަރާތުގެ ކިބައިން ފުރިހަމަވާން ޖެހޭ ޝަރުތެކެވެ.

އަދި މަޤާމަށް ޢައްޔަންކުރުމުގައި ޚިދުމަތް ލިބިގަންނަ ފަރާތްތައް ތަމްސީލުކުރާ ޖަމްޢިއްޔާތަކުން ކަނޑައަޅާ ފަރާތަކަށް އިސްކަންދެވޭނެ ކަމަށް ޞިއްޙީ ވުޒާރާއިން ބުނެފައިވެއެވެ.

އެހެންކަމުން، މި މަޤާމުތަކަށް ޝައުޤުވެރިވާ ފަރާތްތަކުން މަޤާމަށް އެދި ހުށަހަޅަންޖެހޭ ލިޔެކިއުންތަކާއެކު 10 އޮކްޓޫބަރު 2024 ގެ 13:00 ގެ ކުރިން ޞިއްޙީ [email protected] އަށް ހުށަހެޅުއްވުމަށް އެ ވުޒާރާއިން އެދެއެވެ.