ހޯޕް އައިލެންޑް ތަރައްޤީ ކުރަނީ "ގިރާވަރު" ފަޅުގައި ކަމަށް ބުނެވި ފައިވަނީ އޮޅުމަކުން : އަޙްމަދު ސިއްދީޤު

ދާޚިލީ ސަލާމަތާއި ފަންނިއްޔާތާ ބެހޭ ވުޒާރާގެ ސްޓޭޓް މިނިސްޓަރ އަލްއުސްތާޛް އަޙްމަދު ސިއްދީޤު، ހޯޕް އައިލެންޑް ތަރައްޤީކުރާ ތަނާ ގުޅޭގޮތުން ކުރިން ދެއްވާފައިވާ މަޢުލޫމާތެއް އިޞްލާޙުކުރައްވައިފިއެވެ.

މިމަހުގެ 23 ވަނަ ދުވަހު ޕީއެސްއެމް ރާއްޖެ ޕްރޮގްރާމްގައި ސްޓޭޓް މިނޓް މިނިސްޓަރ ސިއްދީޤު ވިދާޅުވެފައިވަނީ ހޯޕް އައިލެންޑް ތަރައްޤީކުރަނީ "ގިރާވަރު" ފަޅުގައި ކަމަށެވެ. ނަމަވެސް މިއަދު ނެރުއްވާފައިވާ ބަޔާނެއްގައި އެ މަނިކުފާނު ވިދާޅުވެފައިވަނީ އެއީ އޮޅުމަކުން ދެވިފައިވާ މަޢުލޫމާތެއް ކަމަށާއި، ޙަޤީޤަތުގައި ހޯޕް އައިލެންޑް ތަރައްޤީކުރަނީ ކ. ގިރާވަރު އުތުރުފަޅު (އުތުރުތިލަފަޅު) ގައި ކަމަށެވެ.

މި އޮޅުމުގެ ސަބަބުން އެއްވެސް ފަރާތަކަށް އޮޅުމެއް އަރާފައިވާނަމަ، އެކަމަށް ނިހާޔަތަށް މަޢާފަށް އެދިވަޑައިގަންނަވާ ކަމަށްވެސް ސްޓޭޓް މިނިސްޓަރ ސިއްދީޤު ވިދާޅުވެފައިވެއެވެ.

ސަމާލުކަމަށް.
ކުށްބަހެއްގެ އިޞްލާޙު.
ހޯޕް އައިލެންޑް އާ ބެހޭގޮތުން، ޕީއެސްއެމް ރާއްޖެ މިއަދު ޕްރޮގްރާމްގައި މިމަހުގެ 23 ވަނަ ދުވަހު އަޅުގަނޑު ދެއްކި ވާހަކާ ގައި ހޯޕް އައިލެންޑް ތަރައްޤީ ކުރަނީ "ގިރާވަރު" ފަޅުގައި ކަމަށް ބުނެވި ފައިވަނީ އޮޅުމަކުންނެވެ. ރަނގަޅުގޮތަކީ ކ.ގިރާވަރު… pic.twitter.com/dT28AauGFM

— أَحْمَدُ صِدِّيْقُ (@AhmedSiddeeq) March 31, 2025