ރަސްދޫ އަލިފާނުގެ ހާދިސާ: އަނިޔާވި އަންހެން މީހާ ނިޔާވެއްޖެ

އއ. ރަސްދޫގައި ހިނގި އަލިފާނުގެ ހާދިސާގައި އަނިޔާވި އަނެހެންމީހާ މިރޭ ނިޔާވެއްޖެއެވެ.

އިންދިރާ ގާނދީ މެމޯރިއަލް ހޮސްޕިޓަލުން ވިދާޅުވީ، މި އަންހެން މީހާ ނިޔާވެފައިވަނީ މިރޭ 19:17  ހާއިރު ކަމަށެވެ. އަދި ނިޔާވިއިރު އަންހެން މީހާއަށް ފަރުވާ ދެމުންދިޔައީ އެ ހޮސްޕިޓަލުގެ އައިސީޔޫގައި ވެންޓިލޭޓަރުގައި ކަމަށް އެ ހޮސްޕިޓަލުން މަޢުލޫމާތުދެއެވެ.

މި ހާދިސާގައި އަންހެން މީހާގެ އިތުރުން ޒަޚަމްވެފައިވަނީ އޭނާގެ ފިރިމީހާއެވެ. މި ދެ މީހުންނަކީ ވެސް 31 އަހަރުގެ ދެ މީހުންނެވެ. އަލިފާނުގެ ހާދިސާގައި އަންހެން މީހާގެ ހަށިގަނޑުގެ 83 އިންސައްތަ އަދި ފިރިހެން މީހާގެ 78 އިންސައްތަ ވަނީ ފިހިފައިވާކަމަށް އައިޖީއެމްއެޗުން މީގެ ކުރިން ވަނީ މަޢުލޫމާތު ދެއްވާފައެވެ. މީގެ އިތުރުން އެ ހޮސްޕިޓަލުން ވިދާޅުވީ، މި ޙާދިސާގައި އަނިޔާވި ފިރިހެން މީހާގެ ހާލު އަދިވެސް ސީރިއަސް ކަމަށާއި މި މީހާއަށް ފަރުވާދެމުން އަންނަނީ އައިސީޔޫގައި ކަމަށެވެ. 

މި އަލިފާނުގެ ޙާދިސާ ހިނގާފައިވަނީ މި ދެމަފިރިންގެ ނިދާ ކޮޓަރީގައެވެ.ދިވެހި ފުލުހުންގެ ޚިދުމަތުން ވިދާޅުވީ، މި ޙާދިސާގެ ތަޙުޤީޤު މިހާރުވެސް ކުރިއަށް ދާކަމަށެވެ.