މާރޗް 26 އާއި ހަމައަށް ޗައިނާއިން 70،797 ފަތުރުވެރިން ރާއްޖެއައިސްފައިވޭ

މިހިނގާ މާރޗް 26 އާއި ހަމައަށް ޗައިނާއިން 70،797 ފަތުުރުވެރިން ރާއްޖެއައިސްފައިވާ ކަމަށް ފަތުރުވެރިކަމާ ބެހޭ ވުޒާރާގެ ތަފާސްހިސާބުތަކުން ދައްކައިފިއެވެ. 

ފަތުރުވެރިކަމާ ބެހޭ ވުޒާާރާގެ ތަފާސްހިސާބުތަކުން ދައްކާގޮތުގައި މާރޗް 26 އާއި ހަމައަށް މިއަހަރު އެންމެ ގިނަ ފަތުުރުވެރިން އައިސްފައިވަނީ ޗައިނާއިންނެވެ.

 ޗައިނާއިން 70،797 ފަތުރުވެރިން އައިސްފައިވެއެވެ. މިދިޔަ އަހަރުގެ މި މުއްދަތުގައި ޗައިނާއިން ރާއްޖެއަށް އައިސްފައިވަނީ 63,919 ފަތުރުވެރިންނެވެ.

މިއަހަރުގެ މިހާތަަނަށް ދެވަނައަށް އެންމެ ގިނަ ފަތުރުވެރިން އައިސްފައިވަނީ ރަޝިޔާއިންނެވެ. ރަޝިޔާއިން 63،241 ފަތުރުވެރިޔަކު އައިސްފައިވެއެވެ. ތިންވަނަ އަށް އެންމެ ގިނަ ފަތުރުވެރިން އައިސްފައިވާ އިނގިރޭސިވިލާތުން 60،872 ފަތުރުވެރިޔަކު އައިސްފައިވެއެވެ. 

26 މާރޗް 2025 އާއި ހަމައަށް 593،956 ފަތުރުވެރިޔަކު ރާއްޖެ އައިސްފައިވެއެވެ. މި އަދަދަކީ މިދިޔަ އަހަރުގެ މި މުއްދަތުގައި ރާއްޖެއަށް ޒިޔާރާތްކޮށްފައިވާ 570،898 ފަތުރުވެރިންނާ އަޅާ ބަލާއިރު 4 އިންސައްތައިގެ އިތުރުވުމެއްކަން ފާހަގަކޮށްލަންޖެހެއެވެ. 

ސަރުކާރުން މިއަހަރަށް އަމާޒު ހިފާފައިވަނީ 2.3 މިލިޔަން ފަތުރުވެރިން ގެނައުމަށެވެ.