ދުނިޔެ
އެމެރިކާއިން ޔަމަނަށް ދެމުންދާ ހަމަލާތައް ކުރިއަށްގެންދާކަން ކަށަވަރުކޮށްދީފި
އެމެރިކާއިން ހަމަލާދޭން ވާ ތައްޔާރީތައް ފޮޓޯ:އިންޓަނެޓް
ޔަމަނަށް ދެމުންދާ ހަމަލާތައް އެމެރިކާއިން ކުރިއަށް ގެންދާކަން އެ ގައުމުގެ ސެންޓްރަލް ކޮމާންޑް (ސެންޓްކޮމް) އިން ކަށަވަރުކޮށްފިއެވެ. މިކަން ހާމަކޮށްފައިވަނީ ސެންޓްކޮމްގެ ސޯޝަލް މީޑިއާ ޕްލެޓްފޯމްތަކުގައި ޝާއިޢުކޮށްފައިވާ ދެ ވީޑިއޯއަކުންނެވެ.
CENTCOM Forces continue attacks on Houthi Positions...#HouthisAreTerrorists pic.twitter.com/NiONzwUEA7
— U.S. Central Command (@CENTCOM) April 1, 2025
މި ވީޑިއޯތަކުގައި ދައްކާފައިވަނީ ހަނގުރާމަވެރި ޖެޓް މަތިންދާބޯޓުތައް ފުރައިގެންދާ މަންޒަރާއި، އެއަރކްރާފްޓް ކެރިއަރަކުން މިސައިލްތައް ދޫކޮށްލާ މަންޒަރެވެ. މި ޕޯސްޓާއެކު ކުރު ބަޔާނެއްގައި ބުނެފައިވަނީ "ސެންޓްކޮމްގެ ބާރުތަކުން ހޫތީންގެ މަރުކަޒުތަކަށް ހަމަލާދިނުން ކުރިއަށް ގެންދަނީ.." މިފަދައިންނެވެ.
މި ހަމަލާތަކާ ގުޅިގެން ޔަމަނުގެ މީޑިއާތަކުން ވަނީ އިތުރު އެމެރިކާގެ ހަމަލާތަކެއް އެ ގައުމުގެ ވެރިރަށް ސަނާގެ ކައިރިއަށާއި އުތުރުގެ ސަޢާދާ ޕްރޮވިންސްއަށް އަމާޒުކޮށްފައިވާކަން ހާމަކޮށްފައެވެ. ދުނިޔޭގެ އެންމެ ފަގީރު ގައުމުތަކުގެ ތެރޭގައި ހިމެނޭ ޔަމަނަށް އެމެރިކާއިން ދެމުންދާ ހަމަލާތަކުގައި މިހާތަނަށް 60 އަށްވުރެ ގިނަ މީހުން މަރުވެފައިވާކަމަށް ވެސް ބުނެވެއެވެ.
