ދުނިޔެ
ސިއްޙީ އަދި އިންސާނީ އެހީތެރިކަން ފޯރުކޮށްދޭ ފަރާތްތަކަށް ދެވޭ ހަމަލާތައް ވަގުތުން ހުއްޓާލާ:ޑަބްލިޔު.އެޗް.އޯ
އިސްރާއީލުގެ ހަމަލާއިން ޝަހީދުވި 4 އެމްބިއުލަންސް ޑްރައިވަރުންގެ ޖަނާޒާ ފޮޓޯ:އަލް ޖަޒީރާ
ޣައްޒާގައި އިސްރާއީލުން އެމްބިއުލާންސް މުވައްޒަފުން މަރާލުމާ ގުޅޭ ގޮތުން ދުނިޔޭގެ ސިއްޙީ ޖަމްއިއްޔާ (ޑަބްލިޔު.އެޗް.އޯ)ގެ ވެރިޔާ ޑރ. ޓެޑްރޮސް އަދަނޮމް ގެބްރެޔެސަސް ވަނީ ހަރުކަށި އިބާރާތުން ކުށްވެރިކުރައްވާފައެވެ.
ޑރ. ޓެޑްރޮސް ވިދާޅުވީ، ޕެލެސްޓައިން ރެޑް ކްރެސެންޓް ސޮސައިޓީގެ އަށް އެމްބިއުލާންސް މުވައްޒަފުން ވާޖިބު އަދާކުރަމުން ދަނިކޮށް މަރާލެވުނު ކަމަށާއި، މި ހަމަލާއަކީ ވަރަށް ދެރަވަރު ކަމެއް ކަމަށެވެ. އަދި މި ހާދިސާގައި އަނިޔާވެފައިވާ އެމްބިއުލާންސް މުވައްޒަފެއް ކަމަށްވާ އަސަދް އަލް-ނަސާސްރާގެ ދުޅަހެޔޮކަމާމެދު ވެސް ވަރަށް ބޮޑަށް ކަންބޮޑުވާ ކަމަށް އެމަނިކުފާނު ވިދާޅުވިއެވެ.
The deadly attack against eight @PalestineRCS ambulance workers in #Gaza while on duty is deplorable.@WHO is gravely concerned about the well-being of ambulance worker Assad Al-Nassasra, who is still missing.
— Tedros Adhanom Ghebreyesus (@DrTedros) March 31, 2025
Under International Humanitarian Law, health workers must be…
ޑަބްލިޔު.އެޗް.އޯގެ ވެރިޔާ އެކްސް ގައި ކުރެއްވި ޕޯސްޓެއްގައި ވިދާޅުވެފައިވަނީ، ބައިނަލްއަޤްވާމީ އިންސާނީ ޤާނޫނުގެ ދަށުން ސިއްޙީ މުވައްޒަފުން ހުރިހާ ވަގުތެއްގައި ވެސް ރައްކާތެރިކުރަންޖެހޭ ކަމަށެވެ. އަދި މަރުވެފައިވާ މުވައްޒަފުންނާއިމެދު ހިތާމަކުރައްވާ ކަމަށާއި، ސިއްޙީ އަދި އިންސާނީ އެހީތެރިކަން ފޯރުކޮށްދޭ ފަރާތްތަކަށް ދެވޭ ހަމަލާތައް ވަގުތުން ހުއްޓާލުމަށް ގޮވާލައްވާ ކަމަށެވެ.
މީގެ އިތުރުން، ހަނގުރާމަ ހުއްޓާލުމަށް ވެސް ޑރ. ޓެޑްރޮސް ގޮވާލައްވާފައިވެއެވެ.
