ދުނިޔެ
ހާވަޑް ޔުނިވަރސިޓީގެ މެދު އިރުމަތީ ދިރާސާ މަރުކަޒުގެ ވެރިން ވަކިކުރުމާ ގުޅިގެން ކަންބޮޑުވުން އިތުރުވެއްޖެ

ލަސްޠީނާ ގުޅޭ ގޮތުން ބޭއްވުނު ހަރަކާތެއް ފޮޓޯ:އަލް ޖަޒީރާ
އެމެރިކާގެ ނަން މަޝްހޫރު ހާވަޑް ޔުނިވަރސިޓީގެ މެދު އިރުމަތީ ދިރާސާ މަރުކަޒު (ސީއެމްއީއެސް)ގެ ޑިރެކްޓަރާއި އެސޯސިއޭޓް ޑިރެކްޓަރ މަޤާމުން ވަކިކޮށްފައިވާތީ، އެމެރިކާގެ މެދު އިރުމަތީ ދިރާސާ ޖަމްޢިއްޔާ (މެސާ)އިން ވަނީ ކަންބޮޑުވުން ފާޅުކޮށްފައެވެ.
މެސާއިން ހާވަޑް ޔުނިވަރސިޓީއަށް ފޮނުވާފައިވާ ސިޓީއެއްގައި ބުނެފައިވަނީ، ސީއެމްއީއެސްގެ ޑިރެކްޓަރ ޖެމާލް ކަފަދާރު އަދި އެސޯސިއޭޓް ޑިރެކްޓަރ ރޯޒީ ބްޝީރު މަޤާމުން ވަކިކޮށްފައިވަނީ ފަލަސްޠީނާ ގުޅޭ ގޮތުން ބޭއްވުނު ހަރަކާތްތަކުގައި ހަމަހަމަކަން ނެތް ކަމަށް ބުނެ ކަމަށެވެ. ނަމަވެސް މިއީ ޔުނިވަރސިޓީގެ އުސޫލުތަކާއި ޤާނޫނީ އިޖުރާއަތުތަކާ ޚިލާފު ކަމެއް ކަމަށް މެސާއިން ދެކޭ ކަމަށް ވެސް ބުނެފައިވެއެވެ.
މީގެ އިތުރުން، ހާވަޑް ޔުނިވަރސިޓީގެ އެންމެހައި މެންބަރުންނަށް ވާހަކަ ދެއްކުމުގެ މިނިވަންކަން ކަށަވަރުކޮށްދިނުމަށާއި، އިސްރާއީލު-ފަލަސްޠީނު ހަމަނުޖެހުމާ ގުޅޭ ގޮތުން މިނިވަން ޚިޔާލު ފާޅުކުރުމަށް ހުރަސްއެޅުމަށް ކުރެވޭ ސިޔާސީ ފިއްތުންތައް ބަލައިނުގަތުމަށް މެސާއިން ގޮވާލާފައިވެއެވެ.
މި މައްސަލަ ބޮޑުވަމުން އަންނަ ވަގުތެއްގައި، ޓްރަމްޕް އިދާރާއިން ވަނީ ހާވަޑް ޔުނިވަރސިޓީއަށް ދެމުން އަންނަ 9 ބިލިއަން ޑޮލަރުގެ ފަންޑިންގ މުރާޖަޢާ ކުރަމުންދާ ކަމަށް ބުނެފައެވެ.