ޚަބަރު
މާރޗު މަހު އެންމެ ގިނައިން ހުށައެޅިފައިވަނީ ޓްރެފިކް އެކްސިޑެންޓްތަކުގެ މައްސަލަތައް

ފުލުހުންގެ ވެހިކަލެއް މަގުމަތީގައި ހަރަކާތްތެރިވަނީ. ފޮޓޯ: ފުލުހުން
މާރޗު މަހު އެންމެ ގިނައިން ފުލުހުންނަށް ރިޕޯޓު ކޮށްފައިވަނީ ޓްރެފިކް އެކްސިޑެންޓްތަކުގެ މައްސަލަތައް ކަމަށް ދިވެހި ފުލުހުން މަހުން މަހަށް ހިއްސާ ކުރާ ކުށުގެ ތަފާސްހިސާބުތަކުން ދައްކައިފިއެވެ.
ފުލުުހުންގެ ތަފާސްހިސާބުތަކުން ދައްކާގޮތުގައި މިފާއިތުވި މާރޗިު މަހުގެ ތެރޭގައި ޓްރެފިކް އެކްސިޑެންޓާއި ގުޅޭ 233 މައްސަލައެއް ހުށައެޅިފައިވެއެވެ.
ދެވަނައަށް އެންމެ ގިނައިން ހުށައެޅިފައިވަނީ ވައްކަމުގެ މައްސަލަތަކެވެ. އެގޮތުން ވައްކަަމުގެ 199 މައްސަލައެއް ހުށައަޅައިފައިވެއެވެ.
ތިންވަނައަށް އެންމެ ގިނައީ މަސްތުވާތަކެތީގެ މައްސަލަތަކެވެ. މަސްތުވާތަކެތީގެ 123 މައްސަލައެއް ނިމިދިޔަ މާރޗު މަހު ވަނީ ހުށައަޅައިފައެވެ.
މީގެއިތުރުންވެސް އެހެނިހެން ގިނަ މައްސަލަތަކެއް ފުލުހުންނަށް ވަނީ ހުށައެޅިފައެވެ. އޭގެ ތެރޭގައި ހިމެނެނީ:
- ފޭރުމުގެ 18 މައްސަލައެއް
- ތަކެތި ގެއްލިގެން ހުށައަޅައިފައިވާ 51 މައްސަލައެއް
- ގެވެށި އަނިޔާގެ 20 މައްސަލައެއް
- ޖިންސީ ގޯނާގެ 14 މައްސަލައެއް
- ޚިޔާނާތާއި ގުޅޭ 21 މައްސަލައެއް
- މާރާމާރީއާ ގުޅޭ 37 މައްސަލައެއް
- އޮޅުވާލުމާ މަކަރުހެދުމުގެ 3 މައްސަލައެއް
- އަނިޔާކުރުމުގެ 38 މައްސަލައެއް
ކޮންމެ މަހެއް ނިމުމުންވެސް ފުލުހުން އެއިދާރާއަށް ކުށުގެ މައްސަލަތައް ރިޕޯޓުކުރެވޭ މިންވަރުގެ ތަފާސް ހިސާބުތައް އާންމުކުރެެއެވެ.