ޔޫރަޕް ޤައުމަކަށް އިސްރާއީލުގެ އެލްބިޓް ސިސްޓަމްސްއިން 130 މިލިއަން ޑޮލަރުގެ ހަތިޔާރު ވިއްކައިފި

އިސްރާއީލުގެ އެންމެ ބޮޑު ދިފާއީ ކުންފުނި، އެލްބިޓް ސިސްޓަމްސްއިން ބުނެފައިވަނީުނެފައިވަނީ ޔޫރަޕިއަން ގައުމަކަށް 130 މިލިއަން ޑޮލަރުގެ އެޑްވާންސްޑް ރޮކެޓް މިއުނިޝަންސް ވިއްކުމުގެ އެއްބަސްވުމެއްގައި ސޮއިކޮށްފައިވާ ކަމަށެވެ. 

މި އެއްބަސްވުމުގެ ދަށުން ވިއްކާ ހަތިޔާރު ސިސްޓަމަކީ "ޕްރިސައިޒް އެންޑް ޔުނިވަރސަލް ލޯންޗިންގ ސިސްޓަމް" (ޕަލްސް) ކަމަށް އެލްބިޓް ސިސްޓަމްސްއިން މަޢުލޫމާތު ދީފައިވެއެވެ. މި ސިސްޓަމަކީ އެއް ޕްލެޓްފޯމަކުން ތަފާތު ގިނަ ބާވަތްތަކުގެ ހަތިޔާރު ދޫކުރެވޭ އެޑްވާންސްޑް އާޓިލަރީ ރޮކެޓް ސިސްޓަމެކެވެ. މި ސިސްޓަމުން 300 ކިލޯމީޓަރު ދުރަށް ވެސް ޓާގެޓް ކުރެވޭނެ ކަމަށް އެލްބިޓްއިން ބުނެފައިވެއެވެ.

އެލްބިޓް ސިސްޓަމްސްގެ ޖެނެރަލް މެނޭޖަރ ޔެހޫދާ ވެރެޑް ވިދާޅުވެފައިވަނީ ޔޫރަޕިއަން ގައުމުތަކުން މިހާރު ދިފާއީ ގާބިލްކަން އިތުރުކުރަމުންދާ ދަނޑިވަޅެއްގައި ޕަލްސް ސިސްޓަމް އިޚްތިޔާރު ކުރުމަކީ މި ޒަމާނުގެ ހަނގުރާމަތަކުގައި މި ސިސްޓަމުގެ ސްޓްރެޓީޖިކް އަގު ހުރި މިންވަރު ދައްކުވައިދޭ ކަމެއް ކަމަށެވެ.

މި އެއްބަސްވުމުގެ ދަށުން އެލްބިޓްއިން ވިއްކާ ހަތިޔާރުތަކަކީ އެ ގައުމެއްގެ ދިފާއީ ބާރުތަކުގެ އޮޕަރޭޝަނަލް ގާބިލްކަން ފާހަގަކޮށްލެވޭ ވަރަށް އިތުރުކޮށްދޭނެ ހަތިޔާރުތަކެއް ކަމަށް އެލްބިޓްއިން ބުނެފައިވެއެވެ.

ނަމަވެސް، އެލްބިޓް ސިސްޓަމްސްއަކީ ފަލަސްތީނުގެ ހައްގުތަކަށް ތާއީދުކުރާ ފަރާތްތަކުން އަމާޒުކޮށް ފާޑުކިޔާ ކުންފުންޏެކެވެ. އެގޮތުން، އިނގިރޭސިވިލާތުގައި މި ކުންފުންޏަށް އަމާޒުކޮށްމާޒުކޮށް ގިނަ އިހުތިޖާޖުތައް ކުރެވިފައިވެއެވެ. މި ފަރާތްތަކުން ތުހުމަތުކުރަނީ އެލްބިޓްއިން އުފައްދާ ހަތިޔާރު އިސްރާއީލުން ޣައްޒާ އަދި ވެސްޓް ބޭންކުގައި ކުރާ ހަނގުރާމަތަކުގައި ބޭނުންކުރާ ކަމަށެވެ.