އުުތުރު ޣައްޒާގައި ތިބި ފަލަސްޠީން މީހުން އެތަނުން ފޭބުމަށް އިޒްރާއިލުން އަންގައިފި

ޣައްޒާގެ އުތުރު ސަރަހައްދުގައި ތިބި ފަލަސްޠީނުގެ ރައްޔިތުން އެތަން ދޫކޮށް ދިޔުމަށް އިޒްރާއިލްގެ ޢަސްކަރިއްޔާއިން ފަލަސްޠީނުގެ ރައްޔިތުންނަށް އަންގައިފިއެވެ. 

އިޒްރާއިލްގެ ޢަސްކަރިއްޔާގެ ޢަރަބި ތަރުޖަމާނު އިއްވި އިންޒާރުގައި ބުނެފައިވާކަމަށް އަލްޖަޒީރާގައި ބުނެފައިވަނީ ބެއިތު ހަނޫން، ބައިތު ލާހިޔާ އަދި ޝެއިޚް ޒައިދާއި އަލްމަންޝިޔާ އަދި ތަލް އަލް ޒާތަރުގެ އަވަށްތަކުގެ ރައްޔިތުން އެއަވަށްތައް ދޫކޮށް ދިޔުމަށް އަންގައިފައެވެ.

އޭނާ ބުނެފައިވަނީ މިއީ އިސްރާއީލުގެ އަސްކަރިއްޔާއިން އެ ސަރަހައްދުތަކަށް ވަދެ ފާސްކުރަން ފެށުމުގެ ކުރިން ޣައްޒާ ސިޓީގެ ސޭފް ޒޯންތަކަށް ދިއުމަށް ދިން އެންމެ ފަހުގެ އިންޒާރުކަމަށެވެ. 

އެއިންޒާރުތަކާއި ގުޅިގެން ރަފާހް އިން ރިޕޯޓު ކުރަމުން ހާނީ މަހްމޫދު ބުނެފައިވަނީ އެއިންޒާރުތަކުގައި ބުނަމުންދާ ސޭފް ޒޯންގެ ވާހަކަތަކަކީ އޮޅުވާލުން ތަކެއް ކަމަށެވެ. 

އެގޮތުން ވޭތުވެދިޔަ މަސްތަކުގައި ފެނިފައިވަނީ، އެބުނާ ސޭފްޒޯންތައް މަރުގެ މަޅިއަކަށް ބަދަލުވެ، އަންހެނުންނާއި، ކުޑަކުދިންނާއި، މުސްކުޅިންނާއި، ބަލިމީހުން ހިމެނޭ ގޮތަށް ގެދޮރު ދޫކޮށް ދިޔަ ގިނަ އާއިލާތައް އެމީހުން ބުނާ ސޭފް ޒޯންގައި ޝަހީދުކޮށްލެވިގެން ގޮސްފައިވާތަން ކަމަށް ހާނީ މަޙްމޫދު ބުނެފައިވެއެވެ. 

ހަމަލާބަދަލުކުރުންތައް މެދުކަނޑާލުމަށް ފަހު ރަމަޟާން މަސްތެރޭގައި ހަމަލާތައް ފެށިފަހުން އިޒްރާއިލްގެ އަނިޔާވެރިކަން ވަނީ އިތުުރުވެފައެވެ. އެގޮތުން ޢީދު ދުވަހު ޢީދުގެ އިޙްތިފާލުތަކުގައި ފަލަސްޠީނުގެ މުސްލިމް ތުއްތު ކުދިން އުޅެނިކޮށް ހަމަލާތައްދީ ގިނަ ކުދިންގެ ތަކެއް ޝަހީދުކޮށްލައިފައިވެއެވެ.