ދުނިޔެ
ޣައްޒާގެ އެއްވެސް ސަރަހައްދަކުން ރޮއްޓެއް ހޯދުން ވަނީ ނާދިރުކަމަކަށްވެފައި

ޣައްޒާގެ ބޭކަރީއެއްގައި ރޮށިފިހަނީ
ޣައްޒާގެ އެއްވެސް ސަރަހައްދަކުން ކާނެ ރޮއްޓެއް ހޯދުން ނާދިރުކަމަކަމަކަށް ވެފައިވާކަމަށް އަލްޖަޒީރާގައި ރިޕޯޓުކޮށްފިއެވެ.
ހާނީ މަހްމޫދު ޣައްޒާއިން ރިޕޯޓުކުރަމުން ބުނެފައިވަނީ ހެނދުނުގެ ނާސްތާ ހޯދުމަށްޓަކައި ބެކެރީތަކާއި ކާބޯތަކެތި ވިއްކާ ތަންތަނުގައި ތެރެއިން ދެތިން ތަނުގައި މަޑުކޮށްލި ނަމަވެސް އެންމެ ރޮއްޓެއްވެސް ލިބިފައިނުވާކަމަށެވެ.
އަދި މަގުމަތިން ފެންނަނީ ފަލަސްތީނުގެ ރައްޔިތުން އެއް ސަރަޙައްދުން އަނެއް ސަރަޙައްދަށް ރޮށި ހޯދުމަށް ދަތުރުކުރާ މަންޒަރުކަމަށާއި، އެކަމަކު އެއްވެސް މީހަކަށް ރޮށި ލިބިފައިނުވާ ކަމަށެވެ.
ޣައްޒާގައި ފުށުގެ ސަޕްލައި ހުސްވެފައިވާއިރު، ވޯލްޑް ފުޑް ޕްރޮގްރާމުން ފައިސާ ދީގެން ސަޕޯޓްކުރާ ގިނަ ބެކެރީތަކުން ބަނޑުހައިވެފައިވާ އާބާދީއަށް ރޮށި ތައްޔާރުކުރުމަށް އެއްވެސް އެއްޗެއް މިހާރު ނެތްކަމަށް ވަނީ ބުނެފައެވެ.
ޣައްޒާގެ ހުރިހާ ބޭކަރީއެއް މިއަދު ބަންދުކޮށްފައި ވަނީ ފުށާއި ޑީސަލްގެ ދަތިކަމުގެ ސަބަބުން ކަމަށް ބެކެރީ އޯނަރސް އެސޯސިއޭޝަންގެ ވެރިޔާ އަބްދުލް ނާސިރު އަލް އަޖްރާމީ ވަނީ ވިދާޅުވެފައެވެ.
އޭނާ ވިދާޅުވީ ޣައްޒާގެ 18 ބެކެރީއަކަށް އދ.ގެ ފުޑް ޕްރޮގްރާމްގެ ދަށުން ސަޕޯޓު ދޭއިރު އެ ބޭކަރީތަކުންވެސް އިތުިރަށް ރޮށިފިހުން ކުރިއަށް ނުގެންދެވޭނެ ކަމަށް މިހާރު ބުނެފައިވާކަމަށް އޭނާ ވިދާޅުވެއެވެ.
އިޒްރާއިލުން ތަކެތި ވެއްދުމަށް އަޅައިފައިވާ ހުރަސްތައް ނައްތާނުލާ، ބޭނުންވާ ތަކެތި ނުވެއްދޭހާ ހިނދަކު ބޭކެރީތައް ދެން ނުހިނގާނެކަމަށާއި، ޣަައްޒާގައި ބަނޑުހައިހޫނުކަން އިތުރުވެ މީހުން ބަނޑަށް ޖެހުން ހުއްޓުވުމަށް އިޒްރާއިލްގެ ހުރަސްތައް ނައްތާލުމަށް ދުނިޔެއިން އިޒްރާއިލަށް ޕްރެޝަރ ކުރަން ޖެހޭ ކަމަށް ޢަބްދުލްނާޞިރު ވަނީ ވިދާޅުވެފައެވެ.