ކުޅިވަރު
އެސް-އޯ މޯލްޑިވްސްގެ ހިންގާ ކޮމެޓީގެ އިންތިޚާބު މިމަހުގެ 17 ގައި ބޭއްވުމަށް ނިންމައިފި
ސެޕްޝަލް އޮލިމްޕިކްސް މުބާރާތުގެ ތެރެއިން/ފޮޓޯ: ސްޕެޝަލް އޮލިމްޕިކްސް މޯލްޑިވްސް
ހުލާސާ
ސްޕެޝަލް އޮލިމްޕިކްސް (އެސް-އޯ) މޯލްޑިވްސްގެ ހިންގާ ކޮމެޓީގެ އިންތިޚާބު މި މަހުގެ 17 ވަނަ ދުުވަހު ބޭއްވުމަށް ނިންމައިފިއެވެ.
ސްޕެޝަލް އޮލިމްޕިކްސް މޯލްޑިވްސްއިން މަޢުލޫމާތުދޭ ގޮތުގައި އެސް-އޯ މޯލްޑިވްސްގެ ހިންގާ ކޮމިޓީގެ ދެވަަނަ ދައުރުގެ އިންތިޚާބު އޮންނާނީ، މިމަހުގެ 17 ވާ ބުރާސްފަތި ދުވަހު ބޭއްވުމަށް ހަމަޖެހިފައިވާ އަހަރީ ޢާންމު ޖަލްސާގައެވެ.
ސްޕެޝަލް އޮލިމްޕިކްސް މޯލްޑިވްސް އިން ކުރިމަތިލުމުގެ ފުރުޞަތު ހުޅުވާލާފައިވާ މަޤާމުތަކަކީ:
- ޗެއާޕާސަން
- ޖެނެރަލް ސެކްރެޓަރީ
- ޚަޒާންދާރު
- އައި.ޑީ (އިންޓެލެކްޗުއަލް ޑިސޭބިލިޓީ) އެކްސްޕާޓް
- ފެމެލީ ރެޕްރެޒެންޓޭޓިވް
- އެތުލީޓް ރެޕްރެސެންޓޭޓިވް
- މެންބަރުންގެ ތެރެއިން އިންތިޚާބުކުރާ 2 މެންބަރުން
މި މަޤާމުތަކަށް ޝައުގުވެރިވާ ފަރާތްތަކުން 7 އޭޕްރީލް ވާ ހޯމަ ދުވަހުގެ 14:00 ގެ ކުރިން ސިޓީއަކުން އެންގުމާއެކު، އެކަމަށް އެދި ފުރިހަމަ ކުރަންޖެހޭ ފޯމު ފުރިހަމަ ކުރެއްވުމަށްފަހު އެސް-އޯ މޯލްޑިވްސްގެ އިދާރާ (ގަލޮޅުދަނޑު އެކޮމޮޑޭޝަން ބްލޮކް، ގްރައުންޑް ފްލޯ) އަށް، ނުވަތަ [email protected] އަށް ހުށަހެޅުމަށް ވަނީ އެދިފައެވެ.
