އެޕަލްގެ އައު އޭއައި ޑޮކްޓަރު: ސިއްހީ ދާއިރާގައި އިންގިލާބެއް ގެންނަން ތައްޔާރުވަނީ

އެޕަލް އިން ޑިޖިޓަލް ހެލްތްކެއަރ ދާއިރާގައި އިންގިލާބެއް ގެނައުމަށް ތައްޔާރުވަމުންދާ ކަމަށް ބެލެވެއެވެ. އައިއޯއެސް 19 އާއެކު ތަޢާރަފުކުރުމަށް ހަމަޖެހިފައިވާ އޭއައި މެޑިކަލް އެސިސްޓެންޓަކީ މިކަމުގެ މައިގަނޑު ވަސީލަތެވެ.

ބްލޫމްބާގް ގެ ޓެކްނޮލޮޖީ ދާއިރާގެ މަޝްހޫރު ތަހުލީލުކާރު މާކް ގަރމަން ބުނާ ގޮތުގައި، މި އޭއައި ޑޮކްޓަރު އައިފޯނާއި އެޕަލް ވޮޗުން އެއްކުރެވޭ ސިއްހީ މަޢުލޫމާތު ދިރާސާކޮށް، ބޭނުންކުރާ ފަރާތްތަކަށް އަމިއްލަ ސިއްހަތާ ގުޅޭ ލަފާ ދޭނެއެވެ. މި ނިޒާމުން ހިތުގެ ވިންދު، ނިދުމުގެ އާދަތައް އަދި ޖިސްމާނީ ހަރަކާތްތައް ފަދަ މުހިންމު ކަންކަން ބަލަހައްޓައި، ބޭނުންކުރާ ފަރާތްތަކަށް އެމީހުންގެ ސިއްހަތު ރަނގަޅަށް ދެނެގަތުމަށް މަގުފަހިކޮށްދޭނެއެވެ.

މި އޭއައި ސިއްހީ އެހީތެރިޔާގެ އިތުބާރާއި ފެންވަރު ޔަގީންކުރުމަށްޓަކައި، އެޕަލްއިން ވަނީ ގިނަ ޑޮކްޓަރުންނާއި ސިއްހީ މާހިރުންގެ އެހީތެރިކަން ހޯދާފައެވެ. ނިދުމުގެ ސައިންސް، ކާނާ، ފިޒިކަލް ތެރަޕީ، ހިތުގެ ސިއްހަތު އަދި ނަފްސާނީ ދުޅަހެޔޮކަމުގެ ދާއިރާތަކުން ތަޖުރިބާކާރުން މި އޭއައި މޮޑެލް އިތުރަށް ފުރިހަމަކުރުމުގައި ބައިވެރިވެއެވެ.

އެޕަލްގެ އެތެރޭގައި މި މަޝްރޫޢު "ޕްރޮޖެކްޓް މަލްބެރީ" ގެ ނަމުގައި ފާހަގަކުރެވެއެވެ. މި މަޝްރޫޢުގެ  މުހިންމު ބައެއްގެ ގޮތުގައި ހިމެނެނީ އޭއައި ހެލްތު ކޯޗެކެވެ. މި ކޯޗު ބޭނުންކުރާ ފަރާތްތަކަށް ދޭނީ ފިޓްނެސް، ކާނާ އަދި ޖުމުލަ ގޮތެއްގައި ސިއްހަތާ ގުޅޭ އަމިއްލަ ލަފާއެވެ.

މީގެ އިތުރުން، އެޕަލްއިން ވަނީ ހެލްތު އެޕްގައި ކާނާ ޓްރެކްކުރުމުގެ ފީޗަރވެސް ތަޢާރަފުކުރުމަށް ނިންމާފައެވެ. މި އައު ފީޗަރ ބޭނުންކުރާ ފަރާތްތަކަށް ދުވަހުން ދުވަހަށް ކައިބޮއި އުޅޭ ގޮތް ރެކޯޑުކުރެވޭނެއެވެ. އަދި އޭއައި އެސިސްޓެންޓަށް މި މަޢުލޫމާތު ދިރާސާކޮށް، ކެއުމުގެ އާދަތަކާ ގުޅޭ ގޮތުން ލަފާ ދެވޭނެއެވެ.

އެޕަލްގެ މުވައްޒަފުން މި އޭއައި ހެލްތު ކޯޗަށް ނުރަސްމީކޮށް ކިޔަނީ "ހެލްތު+" ކަމަށް އެތެރޭގެ ރިޕޯޓުތަކުން ދައްކައެވެ. ނަމަވެސް މިއީ ހެލްތު އެޕްގެ ހިލޭ އިތުރު ކުރުމެއްގެ ގޮތުގައި ނުވަތަ އަގު ދައްކައިގެން ބޭނުންކުރާ ޚިދުމަތެއްގެ ގޮތުގައި ތަޢާރަފުކުރާނެކަމެއް