މަސައްކަތްކުރީ ދީނީ ހަމަތަކާ އެއްގޮތަށް އަސްލު ދަމަހައްޓަން: ވަޒީރު ނަޞީރު

ދީނީ ހަމަތަކާ އެއްގޮތަށް ކުރިއަށްގެންދިއުމަށްޓަކައި އުނިކުރި ކަންތައްތައް ފިޔަވައި، ހިއްޗަށް ވަޑައިގަތުމުގެ ހަރަކާތުން ފެނުނު ހުރިހާ ކަމެއްވެސް އަސްލާ އެއްގޮތްވާނެކަމަށް ދިވެހިބަހާއި ސަގާފަތާއި ތަރިކައާބެހޭ ވަޒީރު އާދަމް ނަޞީރު އިބްރާހިމް ވިދާޅުވެއްޖެއެވެ.

ވަޒީރު މިފަދައިން ވިދާޅުވެފައިވަނީ މިއަހަރުގެ ފިޠުރު ޢީދު ފާހަގަކުރުމުގެ ގޮތުން އެ ވުޒާރާއިން އިންތިޒާމުކޮށްގެން ބޭއްވި "ހިއްޗަށް ވަޑައިގަތުމުގެ" ހަރަކާތާ ގުޅޭގޮތުން ބައެއް ފަރާތްތަކުން ކޮށްފައިވާ ފާޑުކިޔުންތަކަށް ރައްދު ދެއްވަމުންނެވެ. މި ހަރަކާތް ކުރިއަށް ގެންދެވިފައިވަނީ އިހުގެ ގޮތާ ތަފާތުކޮށް ކަމަށް ފާޑުކިޔާ ފަރާތްތަކުން ފާހަގަކޮށްފައިވެއެވެ.

ވަޒީރު އާދަމް ނަޞީރު އިބްރާހިމް ވިދާޅުވިގޮތުގައި، މި ހަރަކާތް އިންތިޒާމުކޮށްފައިވަނީ ވުޒާރާއިން އެކުލަވާލި ޚާއްޞަ ކޮމިޓީއަކުންނެވެ. މި ކޮމިޓީގައި ހިމެނެނީ ހިއްޗަށް ވަޑައިގަތުމުގެ ރަސްމިއްޔާތު ދުށް މީހުންނާއި ތާރީޚު ޢިލްމުވެރިންނެވެ.

ޒަމާނަށް ފެއްތުމުގެ ގޮތުން ބައެއް ބަދަލުތައް ގެނައުމަށް ކޮމިޓީން ނިންމި. އިސްލާމްދީނާ ފުށުއަރާ ގޮތަށް އެ ޒަމާނުގައި ކުރި ބައެއް ކަންކަންވެސް ތަމްސީލުން އުނިކުރެވުނު

ވަޒީރު 

ވަޒީރު އިތުރަށް ވިދާޅުވިގޮތުގައި، ކުރީގައި ލޮންސި ވެރިން ތިބެނީ މަތި ހަށި ހުސްކޮށް ނަމަވެސް، މިފަހަރު އެ މީހުން ބައިވެރިވެފައިވަނީ ފޮތި ލިބާސް ލައިގެންނެވެ. އަދި ޒިޔާރަތަށް ދިއުމާއި ހިތިގެ ހެދުންފަދަ ދީނާ ޚިލާފު ކަންކަން މި ހަރަކާތުން އުނިކުރެވިފައިވާ ކަމަށްވެސް އެމަނިކުފާނު ވިދާޅުވިއެވެ.

އިސްލާމްދީނުގެ ހަމަތަކާއި އުޞޫލުތަކުގެ ބޭރުން ސަގާފީ ހަރަކާތްތައް ކުރިއަށްގެންދިއުމަކީ މި ސަރުކާރުގެ ސިޔާސަތެއް ނޫން

 ވަޒީރު 

ވަޒީރު އަދި އިތުރަށް ވިދާޅުވީ، ކުރިއަށް އޮތްތަނުގައިވެސް ތާރީޚީ ހަރަކާތްތައް ހުށައަޅައިދޭއިރު، ދީނީ ހަމަތަކާއި އުޞޫލުތަކުން ބޭރުނުވާނެކަން ކަށަވަރުކުރައްވާނެ ކަމަށެވެ.

ހިއްޗަށް ވަޑައިގަތުމުގެ ދަރުބާރު ތަމްސީލު.#ދައުލަތުގެޓީމު #ފިޠުރުޢީދު1446 pic.twitter.com/A7rSdDj9Sa

— Ministry of Dhivehi Language, Culture and Heritage (@MoDLCH) April 1, 2025

ހިއްޗަށް ވަޑައިގަތުމުގެ ރަސްމިއްޔާތަކީ ދިވެހި ރަސްރަސްކަލުން ރޯދަމަހުގެ ތެރޭގައި ބާއްވަވާފައިވާ ހައިބަވަންތަ ރަސްމިއްޔާތެކެވެ.