ޚަބަރު
ރައީސް ޑރ މުޢިއްޒު ވަޒީރުންގެ މަޖިލީހަށް ބަދަލުގެންނަވައިފި!
ވަޒީރުންގެ މަޖިލީހަށް ރައީސް ޑރ މުއިއްޒު ބަދަލުގެންނެވުން. ފޮޓޯ:ރައީސް އޮފީސް
ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ވަޒީރުންގެ މަޖިލީހަށް ބަދަލުގެންނަވައިފިއެވެ.
އެގޮތުން ރައީސް މުއިއްޒު ވަނީ ޚާރިޖީ ވަޒީރަކަށް ހުންނެވި މޫސާ ޒަމީރު މާލީ ވަޒީރު ކަމަށް ހަމަޖައްސަވައިފައިވެއެވެ. ޚާރިޖީ ވަޒީރުގެ މަޤާމަށް ޞިއްޙީ ވަޒީރަކަށް ހުންނެވި ޑރ ޢަބްދުﷲ ޙަލީލް ވަނީ ހަމަޖައްސަވައިފައެވެ.
އަދި ޞިއްޙީ ވަޒީރަކަށް ހަމަޖެއްސެވީ ރައީސުލްޖުމްހޫރިއްޔާގެ އޮފީހުގެ މިނިސްޓަރުކަމުގެ މަޤާމުގައި ހުންނެވި ޢަބްދުﷲ ނާޡިމް އިބްރާހީމް އެވެ.
މިއަދު ހެނދުނު މިކަމަށް ޚާއްޞަކޮށް ރައީސުލްޖުމްހޫރިއްޔާގެ އޮފީހުގައި ބޭއްވި ރަސްމިއްޔާތުގައި އެތިން ބޭފުޅުންވަނީ މަޤާމުގެ ހުވައި ކުރައްވައިފައެވެ.
