މަސްތުވާތަކެތީގެ މައްސަލައެއްގައި އަންހެނަކު ހައްޔަރުކޮށްފި

މަސްތުވާތަކެތި ބޭނުންކުރުމާއި ގެންގުޅުމުގެ ތުހުމަތުގައި ދިވެހި އަންހެނަކު ފުލުހުން ހައްޔަރުކޮށްފިއެވެ.

ދިވެހި ފުލުހުންގެ ޚިދުމަތުން ހާމަކޮށްފައިވާ ގޮތުގައި މި އަންހެން މީހާއަކީ، ރ. މަޑުއްވަރިއަށް ނިސްބަތްވާ ޢުމުރުން 30 އަހަރުގެ އައިޝަތު ނަޝާޔާ  ނަމަކަށް ކިޔާ މީހެކެވެ. 

މި އަނެހެން މީހާ ހައްޔަރުކުރުމަށްފަހު ކޯޓަށް ހާޒިރުކުރުމުން އޭނާގެ ބަންދަށް ވަނީ 15 ދުވަސް ޖަހާފައެވެ. ކޯޓު އަމުރުން ފެންނަ ގޮތުގައި މި އަންހެން މީހާއަކީ، މީގެ ކުރިންވެސް މަސްތުވާތަކެތިގެ މައްސަލައެއްގައި ހައްޔަރުކުރެވިފައިވާ، ކުށުގެ ރެކޯޑެއް  އޮންނަ މީހެކެވެ. މީގެ އިތުރުން، ރ. މަޑުއްވަރީ މެޖިސްޓްރޭޓް ކޯޓުން ބަލަމުން ގެންދިޔަ މައްސަލއެއްގައި ވެސް ނަޝާޔާ ހައްޔަރުކޮށް ކޯޓަށް ހާޒިރުކުރުމުގެ އަމުރެއް ވެސް ވަނީ ނެރިފައެވެ.

ފަހަކަށް އައިސް މަސްތުވާތަކެތީގެ މައްސަލަތަކުގައި ހައްޔަރުކުރެވޭ އަންހެނުންގެ ޢަދަދު ވަނީ އާދަޔާޚިލާފަށް އިތުރުވެފައެވެ. އެހެންކަމުން، މަސްތުވާތަކެތީގެ މައްސަލަތައް ކޮންޓްރޯލް ކުރުމަށް ކަމާ ގުޅުންހުރި އިދާރާތަކުން ގެންދަނީ އެކި މަސައްކަތްތައް ކުރައްވަމުންނެވެ.