އެމެރިކާއިން ޔަމަނަށް ދިން ހަމަލާއެއްގައި 4 މީހަކު ޝަހީދުވެއްޖެ

އެމެރިކާއިން ޔަމަނަށް ދިން ހަމަލާއެއްގައި 4 މީހަކު ޝަހީދުވެއްޖެއެވެ.

ޔަމަނުގެ ހުދައިދާ ސަރަޙައްދަށް އެމެރިކާއިން ދިން ހަމަލާތަކުގައި 4 މީހުން ޝަހީދުވެފައިވާ ކަމަށް ރިޕޯޓުކުރެވިފައިވެއެވެ. މިއީ ހޫތީ ބާރުތަކާ ދެކޮޅަށް ކަމަށްބުނެ އެމެރިކާއިން ދިން އެންމެ ފަހުގެ ނުރައްކާތެރި ހަމަލާތަކެވެ. މި ހަމަލާތައް ދިނީ އެމެރިކާއިން މެދުއިރުމައްޗަށް ދެވަނަ މަތިންދާބޯޓު އުފުލާ ބޯޓަކާއި އިތުރު ހަނގުރާމަވެރި މަތިންދާބޯޓުތަކެއް ފޮނުވާނެ ކަމަށް އިޢުލާނުކޮށްފައިވާ ވަގުތެއްގައެވެ.

ހޫތީ ސަރުކާރުގެ ޞިއްޙީ ވަޒީރުގެ ތަރުޖަމާނު އަނީސް އަލްއަސްބާހީ ވިދާޅުވި ގޮތުގައި އަންގާރަ ދުވަހުގެ ރޭ އެމެރިކާއިން ދިން ހަމަލާގައި 3 މީހުން ޝަހީދުވެފައިވާކަން ކަށަވަރުވެފައިވާކަމަށެވެ. އެއީ ޝަހީދުވިމީހުންގެ ސީދާ ޢަދަދު ނޫންކަމަށްވެސް އޭނާ ވަނީ ވިދާޅުވެފައެވެ.

"އަލްއަސްބާހީ ވިދާޅުވި ގޮތުގައި، އަންގާރަ ދުވަހު ހޮދެއިދާ ގަވަރނޯރޭޓްގެ އަލް-މަންސޫރިއްޔާ ސަރަޙައްދުގައި ހުރި ފެން މެނޭޖްކުރާ އިމާރާތަށް އެމެރިކާއިން ދިން ހަމަލާތަކުގެ ސަބަބުން 3 މީހުން ޝަހީދުވެ، 2 މީހުންނަށް އަނިޔާވެފައިވެއެވެ. މި މީހުންގެ ތެރެއިން ގިނައީ އެ އިމާރާތުގައި މަސައްކަތްކުރާ މުވައްޒަފުންނެވެ.

ހޫތީންނާ ގުޅުންހުރި އަލް މަސީރާ ޓީވީއިން އެންމެ ފަހުން ރިޕޯޓުކުރި ގޮތުގައި ޝަހީދުވި މީހުންގެ އަދަދު 4 އަށް އިތުރުވެފައިވެއެވެ. ލޯކަލް މީޑިއާތަކުން ރިޕޯޓުކުރި ގޮތުގައި އުތުރު-ހުޅަނގުގައިވާ ހައްޖާ ސަރަޙައްދަށާއި އުތުރުގައިވާ ސަޢާދާ ސަރަޙައްދަށްވެސް ހަމަލާ ދީފައިވެއެވެ. މި ހަމަލާތައް ދިނީ އެމެރިކާއިންކަމެއް އަދި އެޤައުމުން  ކަށަވަރުކޮށްބުނެފައެއް ނުވެއެވެ. އަލް މަސީރާ ޓީވީއިން ބުނެފައިވަނީ މި ހަމަލާތައް ދީފައިވަނީ ސަޢާދާ އަދި ސަންޢާގެ ސަރަޙައްދުތަކަށް އެމެރިކާއިން ގިނަ ހަމަލާތަކެއް ދިންކަމަށް ރިޕޯޓުކުރިތާ މާގިނައިރުތަކެއް ނުވަނީހެނެވެ. ހޯމަ ދުވަހުގެ ރޭ ދިން ހަމަލާތަކުގައި އެއްވެސް މީހަކަށް ގެއްލުމެއް ލިބުނުކަމުގެ ރިޕޯޓެއް މިވަގުތުން ލިބިފައި ނުވާކަމަށްވެސް އަލްޖަޒީރާގައި ބުނެފައިވެއެވެ.

މާރޗް މަހުގެ 15 ވަނަ ދުވަހު ހޫތީ ބާރުތަކާ ދެކޮޅަށް އެމެރިކާއިން އަސްކަރީ ހަމަލާދޭން ފެށިފަހުން ޔަމަނުގައި ވަނީ 60 އަށް ވުރެ ގިނަ މީހުން ޝަހީދުވެފައެވެ. ޔަމަނުގެ ހަތިޔާރު އެޅި ޖަމާއަތުން ވަނީ ޣައްޒާގައި އިޒްރާއީލުން ހަނގުރާމަ ހުއްޓާލުމުގެ އެއްބަސްވުން ތަކާއި ޚިލާފުވުމާއި ގުޅިގެން ރަތް ކަނޑުގައި އިޒްރާއީލާ ގުޅުން ހުރި ބޯޓުފަހަރަށް ހަމަލާ ދޭން ފަށާނެ ކަމުގެ އިންޒާރުދީފައެވެ.