ރޭފަތިހުންފެށިގެން މިއަދުގެ މިހާތަނަށް 21 މީހުން ޝަހީދުވެއްޖެ

ރޭފަތިހުން ފެށިގެން މިއަދުގެ މިހާތަނަށް ޣައްޒާއިން 21 މީހުން ޝަހީދުކޮށްލައިފައިވާ ކަމަށް އަލްޖަޒީރާގައި ރިޕޯޓުކޮށްފިއެވެ.

ޣައްޒާގެ މެޑިކަލް މަސްދަރުތަކަށް ހަވާލާދީ އަލްޖަޒީރާގައި ބުނެފައިވަނީ ޣައްޒާގެ މެދުތެރެއާއި ދެކުނަށް ރޭ ފަތިހުން ފެށިގެން އިޒްރާއިލުން ދިން ހަމަލާތަކުގައި ޣައްޒާގެ އެކި ހިސާބުތަކުގައި 21 މީހުން ޝަހީދުވެފައިވާކަމަށެވެ.

އެސަރަހައްދުތަކަށް އިޒްރާއިލުން ދިން ނުރައްކާތެރި އެއް ހަމަލާ އިޒްރާއީލު ސިފައިން ވަނީ ޣައްޒާގެ ދެކުނުގެ ޚާން ޔޫނިސްގައި ހުންނަ ގެއަކަށް އަމާޒުކޮށްފައެވެ. މިހަމަލާގައި ޣައްޒާގެ 12 މީހަކު ޝަހީދުވެފައިވެއެވެ.

ފަލަސްޠީނުގެ އިރުއުތުރުގެ ރަފާ ސަރަހައްދަށް އިޒްރާއީލުން ދިން ހަމަލާއެއްގައި އިތުރު ދެ މީހަކު ޝަހީދުވެފައިވާއިރު، އިޒްރާއިލްގެ އަސްކަރިއްޔާއިން ވަނީ ޣައްޒާގެ ބޮޑު ސަރަހައްދެއް އަތުލުމަށް ފުޅާދާއިރާއެއްގައި ހަމަލާދޭނެ ކަމަށް އިޢުލާނުކޮށްފައެވެ. 

މިކަން އިޢުލާނުކޮށްފައިވަނީ އިޒްރާއީލުގެ ޑިފެންސް މިނިސްޓަރު އިޒްރައިލް ކަޓްޒްއެވެ. އޭނާ ބުނެފައިވަނީ ޣައްޒާގެ ބިމުން އިޒްރާއިލް ހިފަމުންދާ ސަރަހައްދުތައް އިތުރުކުރުމަށް ހަމަލާދިނުން އިތުުރުކުރާނެ ކަމަށެވެ.