ހއ.އަތޮޅުން އދ.އަތޮޅަށް ހުދުސަމާލުނެރެފި!

ހއ.އަތޮޅުން އދ.އަތޮޅަށް މޫސުން ގޯސްވާނެ ކަމަށް ލަފާކޮށް މެޓް އޮފީހުން އެސަަރަހައްދަށް ހުދުސަމާލުނެރެފިއެވެ.

މެޓް އޮފީހުން ނެރެފައިވާ ހުދު ސަމާލުގައި ބުނެފައިވަނީ މިއަދުގެ 15:30 ހުން ފެށިގެން 21:30 އަށް ހއ.އަތޮޅުން އދ.އަތޮޅަށް ބޯކޮށް ވާރޭވެހޭނެ ކަމަށް ލަފާކުރެވޭ ކަމަށެވެ. 

ރާއްޖޭގެ މޫސުން މިދުވަސްވަރު ގޯސްވެފައިވާއިރު މިއަދުގެ 9:00އިން 15:00 އަށް ވެސް ހއ.އަތޮޅުން އދ.އަތޮޅަށް ހުދު ސަމާލުވަނީ ނެރެފައެވެ. 

އެސަމާލުގައި މެޓް އޮފީހުން ބުނެފައިވަނީ އެވަގުތުތަކުގައި އެސަރަހައްދަށް ބޯކޮށްވާރޭވެހި ގުގުރާނެ ކަމަށް ލަފާކުރެވޭކަމަށެވެ.

މޫސުން ގޯސް ދުވަސްވަރު މޫސުމަށް އަންނަ ބަދަލުތަަކަށް ސަމާލުވުމަށް ކަމާބެހޭ އިދާރާތަކުން އަބަދުވެސް އިލްތިމާސްކުރަމުންދެއެވެ.

ބޯކޮށް ވާރޭވެހޭ އިރު ފެންބޮޑުވުމުގެ ހާދިސާތަކުން ރައްކާތެރިވުމަށާއި، ކަނޑުގަދަ ދުވަސްވަރު ރައްކާތެރިވުމަށާއި، ކޮންމެހެން ކުރަން ޖެހޭ ދަތުރެއް ނޫނީ ނުކުރުމަށް އަބަދުވެސް އިލްތިމާސްކުރެއެވެ.