ޚަބަރު
އޯޓިޒަމް ހުންނަ ފަރާތްތަކަށް އޯގާތެރިވެ ޝާމިލް މުޖްތަމަޢެއް ބިނާ ކުރަމާ: އިޖްތިމާޢީ ތަރައްޤީއާ ބެހޭ ވުޒާރާ

އޯޓިޒަމް އަށް ހޭލުންތެރިކުރުމުގެ ދުވަސް
އޯޓިޒަމް ހުންނަ ފަރާތްތަކަށް އޯގާތެރިވެ ޝާމިލް މުޖްތަމަޢެއް ބިނާ ކުރުމަށް ޢާއިލާތަކާއި އިޖްތިމާޢީ ތަރައްޤީއާ ބެހޭ ވުޒާރާއިން ގޮވައިލައިފިއެވެ.
އޯޓިޒަމްއަށް ހޭލުންތެރިކުރުވުމަށް ބައިނަލް އަޤްވާމީ ގޮތުން ފާހަގަކުރެވޭ ދުވަހުގެ މުނާސަބަތުގައި އެވުޒާރާއިން ކޮށްފައިވާ ޓްވީޓެއްގައި ބުނެފައިވަނީ އޯޓިޒަމް ހުންނަ ފަރާތްތަކަކީ މުޖުތަމަޢުގައި މުހިންމު ދައުރެއް އަދާކުރާ، އެެއްވެސް ތަފާތުކުރުމެއްނެތި މުޖުތަމަޢުގެ ހުރިހާ ކަމެއްގައިވެސް ބައިވެރިވުމުގެ ފުރުޞަތު ލިބެންޖެހޭ ބައެއްކަމަށެވެ.
އޯޓިޒަމް ހުންނަ ފަރާތްތަކަކީ މުޖުތަމަޢުގައި މުހިންމު ދައުރެއް އަދާކުރާ، އެެއްވެސް ތަފާތުކުރުމެއްނެތި މުޖުތަމަޢުގެ ހުރިހާ ކަމެއްގައިވެސް ބައިވެރިވުމުގެ ފުރުޞަތު ލިބެންޖެހޭ ބައެއް.
— Ministry of Social and Family Development (@MSFDmv) April 1, 2025
އެ ފަރާތްތަކުގެ ޤާބިލިއްޔަތުކަމާއި ހުނަރުތައް ފާހަގަކޮށް، އޯގާތެރި އަދި ޝާމިލުކުރަނިވި މުޖުތަމަޢެއް… pic.twitter.com/Xt1zrrhr8Z
އަދި އެ ފަރާތްތަކުގެ ޤާބިލިއްޔަތުކަމާއި ހުނަރުތައް ފާހަގަކޮށް، އޯގާތެރި އަދި ޝާމިލުކުރަނިވި މުޖުތަމަޢެއް ބިނާކުރުމަށް އެވުޒާރާއިން ގޮވައިލައިފައިވެއެވެ.
ދުނިޔޭގެ އޯޓިޒަމް ދުވަސް ފާހަގަކުރަނީ ކޮންމެ އަހަރެއްގެ އެޕްރީލް 2 ވަނަ ދުވަހުއެވެ. މި ދުވަހަކީ އޯޓިޒަމްއާ ބެހޭ ގޮތުން ހޭލުންތެރިކަން އިތުރުކުރުމަށާއި، އޯޓިޒަމް ތަހަންމަލްކުރާ މީހުންނަށް ދިމާވާ ގޮންޖެހުންތަކަށް ސަމާލުކަން ގެނައުމަށް ފާހަގަކުރެވޭ ދުވަހެކެވެ.