ޚަބަރު
ވެލާނާ އެއަރޕޯޓު ސައިޓުގައި ބިދޭސީން މާރާމާރީ ހިންގައި ގިނަ ބަޔަކަށް އަނިޔާވެއްޖެ
ވެލާނާ އެއަރޕޯޓްގައި އަނިޔާވި ބައެއް މީހުން ފޮޓޯ: ސޯޝަލް މީޑިއާ ވީޑިއޯ ސްކްރީންޝޮޓް
ވެލާނާ އިންޓަނޭޝަނަލް އެއަރޕޯޓުގެ އައު ޓާމިނަލް އިމާރާތުގެ މަސައްކަތް ކުރަމުންދާ ކޮންސްޓްރަކްޝަން ސައިޓެއްގައި ހިނގި ބޮޑު މާރާމާރީއެއްގައި ގިނަ އަދަދެއްގެ ބިދޭސީންނަށް އަނިޔާވެ، ފަރުވާ ދޭން ފަށައިފިއެވެ.
ހުޅުމާލެ ހޮސްޕިޓަލުގެ ފަރާތުން މަޢުލޫމާތު ދީފއިވާގޮތުގައި، އެކި ވަރުގެ އަނިޔާތަކާއެކު މަދުވެގެން 10 ބިދޭސީއަކަށް އެ ހޮސްޕިޓަލުގެ އިމަޖެންސީ ރޫމުގައި ފަރުވާ ދެމުންދާ ކަމަށެވެ. ނަމަވެސް، އެއްވެސް މީހަކަށް ސީރިއަސް އަނިޔާއެއް ވެފައި ނުވާކަން ހޮސްޕިޓަލުން ފާހަގަކޮށްފައިވެއެވެ. ހުޅުމާލޭ ހޮސްޕިޓަލްގެ އިތުރުން ޓްރީ ޓޮޕް ހޮސްޕިޓަލްގައި ވެސް ބައެއް މީހުންނަށް ވަނި ފަރުވާދީފައެވެ.
މި މައްސަލައިގެ ތަޙުޤީޤު ކުރިއަށްދާ ގޮތާއި، އިތުރު މަޢުލޫމާތު ލިބުމުން އާންމުކުރާނެ ކަމަށް ފުލުހުން ބުނެފައިވެއެވެ.
