ކުޑަހުޅަށް ލިބުނު އަނިޔާއަކާ ގުޅިގެން ގިނަ ދުވަސްތަކަކަށް ހާލަންޑު ކުޅުމާ ދުރަށް

އިނގިރޭސި އެފްއޭކަޕްގެ ކުއާޓާފައިނަލުގައި ބޯނެމައުތުއާ ދެކޮޅަށް ކުޅުނު މެޗުގައި ކުޑަހުޅަށް ލިބުނު އަނިޔާއަކާ ގުޅިގެން، މެންޗެސްޓަރ ސިޓީގެ އަރލިން ހާލަންޑު ގިނަ ދުވަސްތަކަކަށް ކުޅުމާ ދުރަށް ދާންޖެހިޖެއެވެ.

އެއް ގޯލުން ފަހަތުގައި އޮއްވައި، ބޯނެމައުތު ކޮޅަށް ގޯލެއް ޖަހައި މެޗުގެ ނަތީޖާ ހަމަހަމަކޮށްދިން ހާލަންޑަށް މި ލިބުނު އަނިޔާއާ ގުޅިގެން އޭނާއަށް އެ މެޗު ފުރިހަމައެއް ވެސް ނުކުރެވުނެވެ. އޭނާ ވަނީ މެޗުގެ 61 ވަނަ މިނެޓުގައި ބަދަލުކޮށްފައެވެ. ނަމަވެސް ސިޓީއިން ވަނީ މި މެޗު 2-1 އިން ކާމިޔާބުކޮށްފައެވެ. 

ލީގުގައި ލެސްޓާ ސިޓީއާ ދެކޮޅަށް ކުޅެން އޮތް މެޗުގެ ކުރިން ވާހަކަ ދައްކަމުން އެ ޓީމުގެ ކޯޗު، ޕެޕް ގާޑިއޯލާ ބުނީ، ހާލަންޑަށް ދެން އެނބުރި އާދެވޭނެކަމަށް ލަފާކުރެވެނީ 7 ހަފްތާ ފަހުން ކަމަށެވެ. ނަމަވެސް ލީގު ނިމޭ ހިސާބުގައި އޮންނަ  ކްލަބް ވޯލްޑް ކަޕުގައި އޭނާއަށް ކުޅެވޭނެކަމަށް އުއްމީދުކުރާކަމަށް ގާޑިއޯލާ ބުންޏެވެ.

އެންމެ ފަހުން ކުޅުނު އެފްއޭކަޕް ސެމީފައިނަލުގައި ބޮޑު ދެ ފުރުސަތު ގެއްލުމުގެ އިތުރުން، ހާލަންޑަށް ވަނީ އެ ޓީމަށް ލިބުނު ޕެނަލްޓީ ވެސް ކާމިޔާބުކުރެވޭ ގޮތް ނުވެފައެވެ. 

އަނިޔާގެ ސަބަބުން މި ސީޒަނުގައި އެންމެ ބޮޑަށް ގެއްލުން ވެފައިވާ އެއް ކުލަބަކީ ސިޓީ އެވެ. ފާއިތުވެދިޔަ ހަތަރު އަހަރު ހޯދި ޕްރެމިއާ ލީގުގެ ތަށި ސީޒަނުގެ ވަރަށް ކުރީކޮޅު ދިފާއު ނުކުރެވޭނެ ގިތް ދިމާވިއެވެ. އަދި ޓީމުގެ ފޯމު ވަރަށް ބޮޑަށް ދަށްވެ އަންނަ ސީޒަނުގެ ޗެމްޕިއަންސް ލީގުގެ މަގާމެއް ހޯދުން ވެސް ވަނީ ދަތިވެފައެވެ.