ހުޅުމާލޭގައި މީހަކު ރަހީނުކޮށް އަނިޔާކުރި މައްސަލާގައި ހިމެނޭ މީހަކު ވައްކަމުގެ މައްސަލައެއްގައި ހައްޔަރުކޮށްފި

ހުޅުމާލެ ދެވެނަ ފިޔަވަހީގައި ހިޔާ ފްލެޓެއްގެ ތެރޭގައި މީހަކު ރަހީނުކޮށް އެނާގެ އިނގިލިތައް ބުރިކޮށްލަން މަސައްކަތްކުރި މީހުންގެ ތެރެއިން އެކަކު ވައްކަމުގެ މައްސަލައެއްގައި ހައްޔަރުކޮށްފިއެވެ. 

ވައްކަމުގެ މައްސަލައިގައި ހައްޔަރުކޮށްފައިވަނީ މ. ކޮޅުފުށި، އާރެސް، ހަސަން ގާލިބް (38އ) އެވެ.

ގާލިބްގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ކޯޓުން ވަނީ އޭނާގެ ބަންދަށް 15 ދުވަސް ޖަހާފައެވެ.

އޭނާ ހައްޔަރުކޮށްފައި މިވަނީ ހުޅުމާލޭގައި މީހަކު ރަހީނުކުރި މައްސަލައާއިގުޅިގެން ހައްޔަރުކުރުމަށް ފަހު ދޫކޮށްލާފައި ހުއްޓައެވެ.

 ގާލިބަކީ ގިނަ އަދަދަކަށް ކުށުގެ ރިކޯޑު އޮންނަ މީހެއް ކަމަށް ކޯޓު އަމުރުގައި ބުނެފައިވެއެވެ.