ޣައްޒާގެ ޢިމާރާތްތަކުގެ 66 ޕަސެންޓް މިހާރުވަނީ ހަލާކުވެފައި: ޔޫއެން

ޣައްޒާގެ އިމާރާތްތަކުގެ 66 ޕަސެންޓް މިހާރު ވަނީ ހަލާކުވެފައި ކަމަށް ޔުނައިޓެޑް ނޭޝަންސް އިން ބުނެފިއެވެ. 

ޔޫއެން އިން ބުނެފައިވަނީ 7 އޮކްޓޫބަރ އިން ފެެށިގެން މިހާތަނަށް ޣައްޒާގެ އިމާރާތްތަކުގެ 66 ޕަސެންޓް އިމާރާތްތައް ހަލާކުވެފައިވާކަމަށެވެ. 

ޔޫއެން އިން ބުނެފައިވަނީ ޣައްޒާގައި ހުރި އިމާރާތްތަކުގެ ޖުމްލަ 163،778 ސްޓްރަކްޗާ ހަލާކުވެފައިވާކަމަށެވެ. ޔޫއެންގެ ސެޓެލައިޓް ސެންޓަރ އިން ނަގައިފައިވާ ޖުލައި މަހުގެ ކުރީކޮޅުގެ ތަސްވީރުތަކަށް ބިނާކޮށް އެންމެ ފަހުން ކުރި އެސެސްމަންޓުން ކަނޑައަޅައިފައިވަނީ ފަލަސްތީނުގެ ސަރަހައްދުގެ 63 ޕަސެންޓް ސްޓްރަކްޗަރތަކަށް ގެއްލުން ލިބިފައިވާ ކަމަށެވެ.

 މިހާތަނަށް ލިބިފައިވާ ގެއްލުންތަކުގެ ތެރޭގައި ހިމެނެނީ ސްޓްރަކްޗަރ 52،564 އިމާރާތެވެ. މީގެތެރެއިން 18،913 އިމާރާތުގެ ސްޓްރަކްޗަރ އަށް އިޔާދަނުކުރެވޭ ވަރަށް ވަނީ ގެއްލުންވެފައެވެ.

އަދި 35،591 އިމާރާތެއްގެ ސްޓްރަކްޗަރ އަށް އަލުން މަރާމާތުކޮށްގެން ބޭނުން ނުކުރެވޭ ވަރަށް ގެއްލުން ލިބިފައިވާ ކަމަށް ވަނީ ލަފާކޮށްފައެވެ.

އަދި ދެން ހުރި 56،710 އިމާރާތުގެ ސްޓްރަކްޗަރ އަށްވެސް އާދައިގެ މިންވަރަކަށް އަސަރުކޮށްފައިވާ ކަމަށް ޔޫއެން އިން ހާމަކޮށްފައިވެ އެވެ.