ޚަބަރު
ހޮޅުދޫ ބޯޓުގެ އަލިފާނުގެ ޙާދިސާ: ގެއްލުނު މުޝްފިގް ހޯދުމަށް ޑްރޯން ބޭނުންކޮށްގެން ބޮޑު ސަރަޙައްދެއް ބަލައިފި

ޑްރޯން ބޭނުންކޮށްގެން ބަލާފައިވާ ސަރަޙައްދުތައް/ފޮޓޯ: އޭވިއޭޓަރސް
ތ. ހިރިލަންދޫން މާލެއަށް ދަތުރުކުރަމުންދިޔަ "ހޮޅުދޫ ބޯޓު" ނަމަކަށް ކިޔާ މުދާ އުފުލާ ބޯޓުގައި ރޭ 21:07 ހާއިރު އަލިފާން ރޯވެ، އެއްކޮށް އަނދައި ހުލިވުމާ ގުޅިގެން ގެއްލުނު މީހަކު ހޯދުމަށް ޑްރޯން ބޭނުންކޮށްގެން ބޮޑު ސަރަޙައްދެއް ބަލައިފިއެވެ.
މި ޙާދިސާގައި ގެއްލިފައިވަނީ ލ. މާވަށަށް ނިސްބަތްވާ ޢުމުރުން 25 އަހަރުގެ ޢަލީ މުޝްފިގް މުޙައްމަދު ޝަރީފްއެވެ. އެމްއެންޑީއެފް އިން މަޢުލޫމާތުދޭގޮތުގައި މި މީހާ ހޯދުމުގެ މަސައްކަތް އަދިވެސް ދަނީ ކުރިއަށެވެ. މި މަސައްކަތުގައި، ކޯސްޓްގާޑްގެ ތިން އުޅަނދުގެ އިތުރުން، ޑައިވަރުންނާއި އެއާ ކޯގެ ޑްރޯން އަދި އެމްއެންޑީއެފް ސެންޓްރަލް އޭރިއާ ކޮމާންޑްގެ ސިފައިން ގުޅިގެން މަސައްކަތް ދަނީ ޙަރަކާތްތެރިވަމުންނެވެ.
އޭވިއޭޓަރސް މޯލްޑިވްސް އިން ހާމަކޮށްފައިވާ ގޮތުގައި، މުޝްފިގް ހޯދުމަށް މިހާރު ޑްރޯން ބޭނުންކޮށްގެން ވަނީ ބޮޑު ސަރަޙައްދެއް ބަލައިފައެވެ. އަދި މި ސަރަޙައްދުތައް ފެންނަ ޕޯސްޓެއް ވެސް އޭވިއޭޓަރސް އިން ވަނީ ޢާންމުކޮށްފައެވެ.
ބޯޓު އަޑިއަށް ގޮސް، އޭގެ ބައިތައް އޮޔާދާތީ އެ ސަރަހައްދުން ދަތުރުކުރާ ފަރާތްތަކުން ޚާއްޞަ ސަމާލުކަމެއް ދިނުމަށް އެމްއެންޑީއެފުން ވަނީ އިލްތިމާސްކުރައްވާފައެވެ. ނަމަވެސް، މި ހާދިސާ ހިނގަން ދިމާވި ސަބަބު އަދި ވަނީ ނޭނގިފައެވެ.
The Maldives National Defence Force (MNDF) is currently conducting a search operation using the Bayraktar TB2 drone. The operation follows a fire involving the cargo vessel Holhudhoo Boat, which caught fire last night while traveling through Thaa Atoll. One person remains… pic.twitter.com/bWUSTr0Kae
— AviatorsMaldives (@AviatorsMaldive) April 3, 2025