އެސްޑީއެފްސީގެ މުރާބަޙާ ފައިނޭންސްއަށް އެދިހުށައެޅުމަށް ހުޅުވާލައިފި!

އެސްޑީއެފްސީގެ މުރާބަޙާ އާރްއެސްޑަބްލިޔު ފައިނޭންސިންގ އަށް އެދި ހުށަހެޅުމަށް ހުޅުވާލައިފިއެވެ.

އެކުންފުނީގެ ޕޯޓަލް މެދުވެރިކޮށް މިހާރު ފައިނޭންސިންގ އަށް އެދި ހުށައެޅޭނެކަމަށް އެސްޑީއެފްސީ އިން ވަނީ ބުނެފައެވެ. 

އެސްޑީއެފްސީ އިން ބުނެފައިވަނީ މުރާބަޙާގެ ދަށުން ފައިސާ ދޫކުރެވޭނީ މަސްދޯނިފަހަރުގައި ލޮނުފެން ފިނިކުރާ ނިޒާމް ޤާއިމްކުރުމަށާއި، މަސްވެރި އުޅަނދުގައި ބޭނުން ކުރުމަށް ޖެނެރޭޓަރ ގަތުމަށާއި މަސްވެރި އުޅަނދުގައި ބޭނުންކުރުމަށް ސޯލަރ ޕަވަރ ޕެނަލް ސިސްޓަމް ގަތުމަށް ކަމަށެވެ. 

މިފައިނޭންސިންގ ގެ ދަށުން 2،000،000 ރުފިޔާ އާއި ހަމައަށް ފައިސާ ދޫކުރެވޭނެ ކަމަށް އެސްޑީއެފްސީ އިން ވަނީ ބުނެފައެވެ. 

މަޝްރޫޢުގެ ދަށުން ހޭދަ ކުރަންޖެހޭ ޢަދަދު ފެސިލިޓީގެ ޢަދަދަށްވުރެ ބޮޑުވާނަމަ އިތުރަށް ކުރަންޖެހޭ ޚަރަދެއް ކުރަންެޖެހޭނީ ފެސިލިޓީއަށް އެދޭ ފަރާތުން ކަމަށްވެސް ވަނީ ބުނެފައިވެއެވެ.

މީގެއިތުރުން ފެސިލިޓީ އަށް އެދި ހުށައަޅާ އުޅަނދުވާންވާނީ 50 ފޫޓު ނުވަތަ އެއަށްވުރެ ބޮޑު އުޅަނދަކަށް ކަމަށެވެ. އަދި އުޅަނދުގައި މަދުވެގެން 15 ޓަނުގެ މަސް ރައްކާކުރެވޭ ވަރުގެ ޖާގަ ހުންނަންވާނެ ކަމަށްވެސް ވަނީ ބުނެފައެވެ. 

ފެސިލިޓީގެ ފައިސާ ހިސާބުކުރެވޭނީ އަހަރަކަށް ފައިނޭންސްގެ 6 ޕަސެންޓް ރޭޓްގައި ކަމަށާއި، ފެސިލިޓީގެ މުއްދަތަކީ ގިނަވެގެން 10 އަހަރު ކަމަށާއި، ގްރޭސްގެ މުއްދަތަކީ ގިނަވެގެން ހަމަަސް ދުވަސް ކަމަށާއި މިފެސިލިޓީއަށް އެދި ހުށައަޅާއިރު ރަހުނެއް ހުށައަޅަން ނުޖެހޭ ކަމަށް ވަނީ ބުނެފައެވެ.