ދުނިޔެ
ބެއިރޫތްގެ ދެކުނުގައި ހުންނަ އެޗްކިޔު ނަމަކަށް ކިޔާ ޓީވީ ޗެނަލް އެއް އިޒްރާއިލުން ހަލާކުކޮށްލައިފި!
އެޗްކިޔު ޓީވީ ހުންނަ އިމާރާތައް ހަމަލާދިން ވަގުތު. ފޮޓޯ:އިންޓަރނެޓް
ލުބްނާންގެ ބެއިރޫތްގެ ދެކުނުގައި ހުންނަ އެޗްކިޔު ނަމަކަށް ކިޔާ ޓީވީ ޗެނެލް އަކަށް އަމާޒުކޮށް ހަމަލާދީ އެތަން ހަލާކުކޮށްލައިފިއެވެ.
އެޓީވީ ޗެނަލްގެ ހެޑްކުއަރަޓާސް އަށް ހަމަލާދީފައިވަނީ އިޒްރާއިލްގެ ހަނގުރާމަމަތީ ޖެޓްތަކުންނެވެ. އިޒްރާއިލްގެ ހަމަލާތައް ލުބްނާނަށް އަމާޒުކޮށްފައިވާއިރު މިއީ ލުބްނާންގެ މީޑިއާއަކަށް އަމާޒުކޮށް އިޒްރާއިލުން ދިން ފުރަތަމަ ހަމަލާއެވެ.
ހޯމަ ދުވަހުގެ ރޭ ދަންވަރު ދިން ހަމަލާގެ ސަބަބުން ބެއިރޫތުގެ ދެކުނުގެ ސަރަހައްދުގައި ހުންނަ، ހިޒްބުﷲ އަށް ތާއީދުކުރާ އައްސިރާތު ޓީވީ ޗެނަލްގެ އިމާރާތް ވެސް ވަނީ ބިމާއި ހަމަކޮށްލައިފައިކަމަށް ވެސް އަލްޖަޒީރާގައި ވަނީ ބުނެފައެވެ.
އެހަމަލާގެ ކުޑައިރުކޮޅެއް ކުރިން އިޒްރާއީލުގެ ސިފައިން ވަނީ އެތަނަކީ "ހަނގުރާމަވެރި ވަސީލަތްތައް" އުފެއްދުމަށް ހިޒްބުﷲ އިން ބޭނުންކުރާ ތަނެއް ކަމަށް ބުނެފައެވެ. އަދި އެތަނުގައި ތިބި މުވައްޒަފުން އެތަން ދޫކޮށް ދިއުމަށް އަމުރުކޮށްފައިވެއެވެ.
ހިޒްބުﷲ އިން ވަނީ އައްސިރާތު އޮފީހުގައިި ހަތިޔާރު ރައްކާކުރާ ކަމަށް އިޒްރާއިލުން ބުނާ ބުނުން ދޮގުކޮށްފަ އެވެ.
މި ހަމަލާގައި އެއްވެސް މީހަކަށް އަނިޔާއެއްވެ މީހަކު ޝަހީދުވެފައެއް ނުވެއެވެ.
އިޒްރާއިލުން ލުބްނާނަށް ދޭންފަށައިފައިވާ ހަމަލާތަކުގައި މިހާތަނަށް 1000 އަށްވުރެ ގިނަ މީހުން ވަނީ ޝަހީދުވެފައެވެ.