ޚަބަރު
ޕީޖީ އޮފީހުން ބަލަމުންދާ މައްސަލައަކާއި ގުޅިގެން އެއޮފީހުގެ ދެ ޕްރޮސިކިޔުޓަރަކު ސަސްޕެންޑް ކޮށްފި
ޕީޖީގެ އޮފީސް
ޕްރޮސިކިޔުޓަރ ޖެނެރަލްގެ އޮފީހުން ބަލަމުންދާ މައްސަލައަކާއި ގުޅިގެން އެއޮފީހުގެ ދެ ޕްރޮސިކިޔުޓަރަކު ސަސްޕެންޑް ކޮށްފިއެވެ.
ޕީޖީ އޮފީހުން ބުނެފައިވަނީ އެ އޮފީހުގެ ސުލޫކީ މައްސަލަ ބަލައި ކޮމިޓީން ބަލަމުންދާ މައްސަލައަކާ ގުޅިގެން، އެ މައްސަލަ ބަލައި ނިމެންދެން ދެ ޕްރޮސިކިޔުޓަރަކު ސަސްޕެންޑްކޮށްފައިވާ ކަމަށެވެ.
އަދި މި މައްސަލައަކީ ޖިންސީ ފުރައްސާރަކުރުމާއި ޕީޖީ އޮފީހުން ޤަބޫލުކޮށް ހިފަހައްޓަމުންދާ އަޚުލާޤީ މިންގަނޑާ ޚިލާފުވުމުގެ މައްސަލައެއްކަމަށްވެސް ޕީޖީ އޮފީހުން ބުނެފައިވެއެވެ.މި މައްސަލާގައި ދިވެހި ފުލުހުންގެ ޚިދުމަތުން ބަލަންޖެހޭ ކަންތައްތަކެއް ހުރުމާއެކު، ފުލުހުންވެސް މި މައްސަލަ ތަޙުޤީޤުކުރަމުންދާ އެއޮފީހުން ބުނެފައިވެއެވެ.
