ޚަބަރު
ހަށިވިއްކުމުގެ ވިޔަފާރީގައި ޝާމިލްވާ 6 މީހަކު ހިފައި އެއްބަޔަކު ޑީޕޯޓުކޮށްފި: އިމިގްރޭޝަން
އިމިގްރޭޝަނުން ޑީޕޯޓުކޮށް އަދި ޑީޕޯޓު ކުރުމަށް ނިންމައިފައިވާ މީހުން. ފޮޓޯ:އިމިގްރޭޝަން
ރާއްޖޭގައި ފުޅާދާއިރާގަިއ ހަށިވިއްކުމުގެ ވިޔަފާރީގައި ޝާމިލްވާ 6 މީހަކު ހިފައި އޭގެތެރެއިން އެއްބަޔަކު ޑީޕޯޓް ކޮށްފިކަމަށް މޯލްޑިވްސް އިމިގްރޭޝަނުން ބުނެފިއެވެ.
އިމިގްރޭޝަނުން މިކަމާއި ގުޅޭ ގޮތުން އެކްސްގައި ކޮށްފައިވާ ޕޯސްޓެއްގައި ބުނެފައިވަނީ ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދިޔަ ބިދޭސީން ހޯދުމަށް އިމިގްރޭޝަނާއި ފުލުހުން ގުޅިގެން މިދިޔަ އޮގަސްޓު މަހާއި ސެޕްޓެންބަރު މަހުގައި ވަނީ ޚާއްސަ އިންސްޕެކްޝަން ތަކެއް ހިންގާފައި ވާކަމަށެވެ.
އަދި މިކަމުގައި ޝާމިލްވާ ބިދޭސީ 05 އަންހެނުންނާއި އެޖެންޓެއްގެ ގޮތުގައި މަސައްކަތް ކުރަމުންދިޔަ ބިދޭސީ ފިރިހެނަކު އިމިގްރޭޝަން ބެލުމުގެ ދަށަށް ގެނެވިފައިވާ ކަމަށެވެ.
މި މައްސަލަތައް ތަހުޤީޤު ކުރުމަށްފަހު ރާއްޖެ އަނބުރާ ނާދެވޭ ގޮތަށް މީގެތެރެއިން 03 މީހަކު ވަނީ ޑީޕޯޓް ކޮށްލައިފައިއެވެ. އަދި އަދި ބާކީ 03 މީހުން ޑީޕޯޓުކުރުމުގެ މަސައްކަތް މިހާރުދަނީ ކުރަމުން ކަމަށްވެސް އިމިގްރޭޝަނުން ވަނީ ބުނެފައެވެ.
