އިސްލާމީ މަރުކަޒުގެ މުންނާރު ކައިރީގައި އަޅަން އުޅުނު މަސްފެންގަނޑު ނާޅަން ނިންމައިފި!

އިސްލާމީ ކަންތައްތަކާއި ބެހޭ ވުޒާރާއިން އެވުޒާރާ ހިންގާ އިސްލާމީ މަރުކަޒުގެ މުންނާރު ކައިރީގައި މަސްފެންގަނޑެއް އަޅަން އުޅުނު މަސްފެންގަނޑު ނޭޅުމަށް އިސްލާމީ ކަންތައްތަކާ ބެހޭ ވަޒީރު ނިންމައިވައިފިއެވެ.

މިމަސްފެންގަނޑު އިސްލާމީ މަރުކަޒުގެ މުންނާރު ކައިރީގައި އަޅަން ނިންމައި އެކަން އިޢުލާނު ކުރީ އިއްޔެއެވެ. 

މިފަސްފެންގަނޑަކީ އިސްލާމީ މަރުކަޒަށް 40 އަހަރުފުރުމުގެ ރަސްމިއްޔާތާ ގުޅުވައިގެން ހަދަން އުޅުނު މަސްފެންގަނޑެކެވެ. 

މަސްފެންގަނޑު އަޅުމަށް ހުޅުވާލީ ކުދި އަދި މެދު ފަންތީގެ ވިޔަފާރިތަކަށެވެ. 

އެހެންނަމަސްވެސް މިއަދު އިސްލާމީ ކަންތައްތަކާ ބެހޭ ވަޒީރު ޑރ މުޙައްމަދު ޝަހީމް ޢަލީ ސަޢީދު ސޯޝަލް މީޑިއާގައި ކުރެއްވެވި ޕޯސްޓެއްގައި ވިދާޅުވެފައިވަނީ ރާއްޖޭގެ އިޤްތިޞާދީ ހާލަތު އޮތް ގޮތުން، މި ވަގުތު މިފަދަ ކަންކަން ކުރުމަކީ އެންމެ މުނާސަބު ކަމަކަށް ނުވާނެތީ، މި އިޢުލާން ބާތިލު ކުރުމަށް އަންގާފައިވާކަމަށެވެ.

ވަޒީރު ޝަހީމް ވިދާޅުވީ، އެ ފެންގަނޑަކީ މަރުކަޒު އިމާރާތްކުރީއްސުރެ މުންނާރުގެ ތިރީގައި އޮންނަ ފެންގަނޑެއްކަމަށާއި، އިޢުލާން ކުރީ އެ ތަން މަރާމާތު ކުރުމުގެ މަސައްކަތް ކުރިއަށް ގެންދަން ކަމަށެވެ.

https://twitter.com/Mohamedshaheem1/status/1841687913836236879

އިއްޔެ އިސްލާމީ ވުޒާރާއިން ފެންގަނޑު ހެދުމަށް ބީލަން ހުށައެޅުމަށް ހުޅުވާލަން އިޢުލާނު ކުރުމާއެކު ގިނަ ބައެއްގެ ފާޑުކިޔުންތައް މިކަމަށް އަމާޒުވެގެންދިޔައެވެ.